| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Bandera d'Allande}} ~~~~ |
La bandera d'Allande (Asturies) ye rectangular, de proporciones 2:3 (anchu:llargu), de color verde, con dos franxes ondulaes de color mariellu. Pue llevar sobrepuestu nel centru l'escudu d'Allande.
El color verde del pañu simboliza la economía agrícola del conceyu. Les dos franxes ondulaes marielles representen les dos cuenques hidrográfiques d'Allande, les de los ríos Narcea y Navia, colos sos afluentes Oru y Argancinas, y son de color mariellu (oru) pa remembrar la bayura aurífera del pasáu.
Esta bandera foi escoyida polos estudiantes del conceyu, ente delles propuestes presentaes pa la so escoyeta pol Ayuntamientu, en 1984. El diseñu ganador foi adoutáu oficialmente'l 27 de xunu de 1985 y fuera presentáu por Eduardo Panizo Gómez, de la Sociedá Española de Vexiloloxía.
Ver tamién
Referencies
Enllaces esternos
