Trátase d'un gansu col banduyu pardu y les ales gris clares con un bandiáu blancu. Les pates de color rosa, son palmenaes. El picu, pequeñu, resalta pol so color rosáu nuna tiesta bien escura, más que'l pechu. La so voz ye resonante, aguda. Nidifica de xunu a xunetu una sola vegada, poniendo de 4 a 6 güevos; el so nial ye rastreru, sobre'l suelu de la tundra, y ta tapizáu por plumón. Aliméntase de yerba, ceberes, cenahories, pataques y partes aérees de la remolacha.[2]
Les sos poblaciones tán en continuu aumentu, por cuenta de la bayura de comida.[3] Por ello'l so estáu de caltenimientu ye seguru.
