Ye'l nexu d'unión ente'l sur y el norte de la India. Considérase-y el "arrozal" del país. Cruciar dos ríos principales: el Godavari y el Krishna.
Historia
Escritos sánscritos del sieglu VII e.C. describen a los habitantes de Andhra como arios del norte qu'emigraron escontra'l sur dende los montes Vindhia (nel centru del subcontinente) y entemeciéronse colos dravidianos. Volvieron ser mentaos al morrer el rei Asoka, del Imperiu maurya, nel 232 e.C. Esta fecha ye l'entamu de la historia escrita de Andhra.
Mientres el sieglu XVII, los británicos conquistaron la zona costera del estáu. La zona de la badea de Bengala quedó so control de Madrás. Los Nizhams, antiguos gobernantes de la zona, retuvieron el control sobre la zona interior de la rexón que se tresformó nun estáu principescu conocíu como Hyderabad, aceptando'l gobiernu británicu en cuenta de una cierta autonomía llocal.
Cola llegada de la independencia del país en 1947, el gobernante musulmán del estáu principescu intentó caltenese independiente de la India anque la zona foi finalmente asimilada como estáu en 1948.
En 1972, los pobladores de la mariña del estáu de Andhra Pradesh solicitaron al Gobiernu central en Nueva Delhi la división del so estáu en dos rexones:
Andhra, la rexón costera, habitada polos mesmos andhras.
Delles organizaciones xuniéronse formando'l Yai Andhra (jayandhra: ‘victoria pa Andhra’). Na so bandera verde dibuxóse'l mapa de los 12 distritos onde se falen y escriben idiomes distintos al télugu.
En 1980 na provincia fundóse la guerrilla del PWG (Grupu de Guerra Popular), que dende entós caltuvo un llargu conflictu que costó más de 8000 vides. Calteníen venceyos colos LTTE (Tigres de Lliberación del Eelam Tamil) de Sri Lanka, que teníen unos 2500 miembros.[2]
Economía
L'agricultura foi siempres la principal fonte d'ingresos del estáu. El arroz, la caña d'azucre, l'algodón y el tabacu son los principales cultivos. Apocayá tánse desenvolviendo delles industries como les de les teunoloxíes de la información y la bioteunoloxía.
Hyderabad, capital de Andhra Pradesh, ye la quinta ciudá de la India, con una importante cultura y una industria floreciente. Ye una de les poques ciudaes nes que conviven tradición y teunoloxía. Hyderabad, al igual que Bangalore convirtióse n'unu de los principales puntos d'inversión del país. El principal puertu del estáu atópase na ciudá de Vizag.
Turismu
En Andhra Pradesh atópense numberosos centros de pelegrinación. Tirupati ye unu de los templos hinduistes más visitaos del país. Les cueves de Borra, con una antigüedá de más d'un millón d'años, o'l valle de Araku son otros de los principales destinos turísticos de la rexón.
