Ana de Constantinopla o Ana de Macedonia (circa 888, Constantinopla – circa 901) foi una fía del emperador bizantín Lleón VI el Sabiu (866-912) y de Zoe Zautzina.
Una carta atribuyida a Nicolás I el Místicu por Christian Settipani menta negociaciones pa prometer a esta segunda fía de Lleón y Zoe con Lluis III el Ciegu, rei de Provenza y emperador d'Occidente. Si les negociaciones terminaron o non y si el matrimoniu llegó a asoceder ye daqué que se desconoz. Dellos historiadores creen qu'Ana nunca se casó con Luis el Ciegu.
Sicasí, Settipani y otros xenealoxistes consideren que'l matrimoniu sí se celebró, en 900. Asina, l'enllaz xuniría les families reales d'Occidente y les dinastíes d'Oriente. La resultancia d'esta unión sería Carlos Constantino de Vienne, que'l so nome claramente sería compuestu d'Occidente y Oriente. Créese, sobremanera por razones onomástiques que Ana de Provenza, la segunda esposa del emperador Berengario I d'Italia sería otra descendiente d'esti matrimoniu ente Luis el Ciegu y Ana de Constantinopla.
Ana foi soterrada en Constantinopla, lo que sería un datu a favor de la tesis de que nunca abandonó la corte del so padre.
Referencies
Enllaces esternos
