Ana Castaño
diputada d'España 16 xunu 2015 - 27 ochobre 2015 ← Gaspar Llamazares Distritu: Asturies Eleiciones: eleiciones xenerales d'España de 2011
Vida
Nacimientu	Pezós, 16 de xineru de 1961 (63 años)
Nacionalidá	España
Estudios
Llingües falaes	castellanu
Oficiu	política
Llugares de trabayu	Madrid
Creencies
Partíu políticu	Izquierda Xunida

Ana María Castaño Rey (16 de xineru de 1961, Pezós) ye una política asturiana.^[1][2]

Nació nel conceyu asturianu de Pezós en 1961 y ye llicenciada n'Historia, amás de diplomada en Xestión y Alministración Pública. Ente 2007 y 2011 foi direutora de Servicios Sociales del Conceyu d'Avilés y ye téunica en excedencia de la Fundación Municipal de Cultura, Educación y Universidá Popular del Conceyu de Xixón. Nes eleiciones municipales de 2015 foi nes llistes d'Izquierda Xunida pa l'alcaldía de Xixón, conceyu nel que mora, y foi escoyida conceyal. El 16 de xunu de 2015 foi nomada diputada del Congresu de los Diputaos pola circunscripción eleutoral d'Asturies, en sustitución de Gaspar Llamazares.^[1][2] Nes eleiciones xenerales d'avientu de 2015 nun foi nes llistes d'Unidá Popular, polo que nun revalidó'l so escañu.^[3]