De familia noble, nació'l 26 d'abril de 1732 nel palaciu del Rebollín de la villa de Noreña (Asturies). Yera fíu de Menendo de Llanes Campumanes, señor de les cases de Llanes de Viḷḷayana y Campumanes de Muñón Cimiru y de la torre de Fresnéu, tou nel conceyu de Ḷḷena, el so rexidor perpetuu, y de Teresa Antonia d'Argüelles Cienfuegos y Villazón, señora del palaciu del Rebollín.[9][10]
Tomó posesión del so nuevu cargu'l 15 d'avientu.[4] Na diócesis planió un seminariu que nun llegó a fundar, y ye destacable la so participación artística. Intervieno nel solado de la catedral de Sevilla ente 1789 y 1793 y n'otres execuciones nel templu; dotó la biblioteca del palaciu Arzobispal (nel que se caltién una semeya so, obra de Xosé Suárez en 1793) y apurrió numberoses pintures pal palaciu. Coles mesmes, llevó a cabu importantes reformes nel palaciu arzobispal de Umbrete, residencia veraniega de los prelaos, que tamién arriqueció con diversidá d'obres d'arte. Tamién participó nes reformes del conventu del Espíritu Santu y del de Santa María la Real.[17]
El so zelo pastoral mientres ocupó una y otra Siella foi bien encamentáu, y del dexó munchos y señalaos testimonios: visitó personalmente dambes Diócesis: formó nelles el plan d'ereición y dotación de Curatos, que mereció l'aprobación de SM.: alzó na de Segovia el Seminariu Conciliar, que'l so establecimientu promovía na de Sevilla igualmente que'l plan d'uniones de Capellaníes incongruas del Arzobispáu, dempués de fundar y arriquecer la Biblioteca pública de la Dignidá. La so caridá, mansedume y humildá van faer eterna la so memoria ente los sos diocesanos y los Sacerdotes Franceses emigraos, que lloren la muerte d'un Preláu qu'a toos manifestábase bonable, benignu y caritatible.
Demostración históricu-canónica-llegal de los reales privilexos y donaciones que fixeron los señores reis San Fernando y Don Alonso'l Sabiu, el so fíu, al reverendu arzobispu y cabildru de Sevilla (Madrid, 1771).
Exhortación pastoral a los vicarios, cures párrocos, confesores, predicadores y demás fieles del so obispáu, por cuenta de la estensión del Añu Santu (Madrid, 1776).
Pastoral en que s'espliquen los motivos y los medios por que los fieles tributen a Dios les gracies polos prósperos sucesu de la Monarquía... (Segovia, 1784).
Plan y decretu de creación y dotación de curatos del arzobispáu de Sevilla (Sevilla, 1791).
↑Afirmao en: Diccionario biográfico español. Identificador DBE: 24464/alonso-marcos-llanes-y-arguelles. Apaez como: Alonso Marcos Llanes y Argüelles. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
↑Afirmao en: Catholic-Hierarchy.org. Identificador Catholic Hierarchy de persona: llanes. Data de consulta: 22 ochobre 2020. Llingua de la obra o nome: inglés.
