Alfredo Prieto Valiente (10 de setiembre de 1934, Uviéu – 25 de payares de 2023, Uviéu)[2] foi un políticu, empresariu y escritor asturianu.
Biografía
En llicenciándose en Derechu na Universidá d'Uviéu, trabayó na asesoría xurídica del Banco Herrero (1965-1981). Darréu intervieno na fundación de la Unión Financiera Asturiana, aportando a presidente en 1984.[3]
Enantes, en 1977 empezara la so incursión na política como diputáu por Asturies na Llexislatura constituyente (1977-1979) por Unión de Centru Democráticu. Siendo dempués conseyeru de Comerciu, Turismu y Pesca del Principáu d'Asturies (1980-1981), mientres el primer gobiernu preautonómicu. Foi un fuerte defensor del diálogu y el consensu:
Nuna entrevista publicada nel diariu El Comercio señalaba:
Vivímosles (les elecciones) con muncha ilusión. Porque como tou yera nuevu pa toos, pos se vivieron de forma bien intensa. Pero lo que más llevo nel corazón ye'l compañerismu qu'había ente tolos compañeros. Non solo ente los de la candidatura d'UCD, sinón col restu de partíos. Llevábamos toos perbién, de perbón rollu, como se diz anguaño, porque creíamos nel consensu, na convivencia, ensin rancores nin rensíes.
[2]
Vida privada
Nació n'Uviéu en 1934, fíu de José Ramón Prieto Noriega y Carola Valiente Soriano. Casáu con Consuelo Muñíz-Toca Argüelles, cola que tuvo tres fíos: Ángel, Alfredo Recaredo y Consuelo Prieto Muñiz-Toca.[4]
Referencias
Enllaces esternos
.svg){kind=small}
