El nucleu de población ta asitiáu a 898 metros d'altor. El términu de terrén accidentáu, atópase arrodiáu pel picu de Chamizo (1.637 m), el del Gallu (1.356 m) y el Vilo (1.412 m). Nel conceyu tán los Altos del Flaire (1.222 m) y de Doña Ana (1.188 m). La so población en 2016 yera de 405 habitantes.[2]
El ríu Sabar traviesa'l conceyu y son dellos los regueros que rieguen les sos tierres. La principal fonte ye la de Texer, qu'abastez d'agua a la población.
Como llegar
Alfarnatejo ta asitiáu al noroeste de la contorna de la Axarquía, a 50 quilómetros aproximao de Málaga capital. Pa llegar en coche a esti pueblu d'interior dende la capital de la Costa del Sol, la opción más aconseyable ye tomar l'autovía A-45 (N-331). En dexando tres la llocalidá de Casabermeja, hai que siguir pola A-356 en direición a Colmenar, y a 8,5 quilómetros xirar escontra la carretera A-7204 primeru p'aportar a l'A-4152 dempués. Finalmente, hai que siguir pola MA-4102, que conduz direutamente a Alfarnatejo.
Otra opción ye tomar l'autovía del Mediterraneu (A-7) hasta la esviadura a Vélez-Málaga. Nesi puntu tendrá de siguise pela carretera A-335 hasta L'Encruz, d'onde parte l'A-7204 en direición a Periana. Dende equí llégase a Alfarnatejo al traviés de la MA-4102.
Llugares d'interés
Ilesia del Santu Cristu de Cabrilla.
Na parte más alta del pueblu podemos topar l'edificiu más notable de la Villa, La Ilesia del Santu Cristu de Cabrilla, que ye una reconstrucción de la segunda metá del Sieglu XVIII.
Ta compuesta d'una nave principal que destaca pol so anchor con techu planu. Tien amiesta nel so llau esquierdu otra nave más pequeña, dambes atópense dixebraes por pilastres formando arcu de mediu puntu. El techu de la nave principal ta realizada por una armadura de vigues de madera, ente que la nave llateral rematar con una armadura de vigues inclinaes.
Na entrada de la Ilesia nel so llau esquierdu atopamos la pila del bautisteriu y de siguío la Torre Campanariu, de forma cuadrangular con cuerpu de campanes compuestu de cuatro arcos, trés d'ellos con campanes. La fachada y la torre de la Ilesia tán realizaes en fábrica de lladriyu vistu y mampostería.
Demografía
El conceyu, que tien una superficie de 20 km²,[3] cuenta según el padrón municipal pa 2017 del INE con 397 habitantes y una densidá de 19,85 hab./km².
Gráfica d'evolución demográfica d'Alfarnatejo ente 1842 y 2017
El conceutu de delda viva contempla namái les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.
Gráfica d'evolución de la delda viva del conceyu ente 2008 y 2014
Miguel * Nel primer fin de selmana d'agostu celebra la fiesta del Gazpachu.
(15 de mayu): San Isidro
(25 d'abril): San Marcos
Gastronomía
Los típicos platos andaluces son el morrete de cogordes, les migues y la sopa de cachorreñas,tamién hai un chigre saliendo del pueblu que tien tou tipu de comida típica en Alfarnatejo.
