| Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables.
Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Albert Speer Jr.}} ~~~~ |
Pa ver el so padre, arquiteutu xefe y ministru d'Armamentu y Guerra del Tercer Reich mientres la 2ª GM,
Albert Speer.
Albert Speer Jr. (29 de xunetu de 1934, Berlín – 15 de setiembre de 2017, Frankfurt del Main)[4] foi un arquiteutu y urbanista alemán.
Biografía
Yera fíu d'Albert Speer (1905-1981), ministru d'Armamentu y Guerra del Tercer Reich mientres la Segunda Guerra Mundial y arquiteutu xefe d'Adolf Hitler, con quien nun caltenía contautu. El so padre foi lliberáu de la Prisión de Spandau n'ochobre de 1966 tres venti años de reclusión. El so güelu Albert Friedrich Speer y el so bisagüelu fueron tamién arquiteutos.
Albert Speer Jr. ganó'l so primer premiu internacional en 1964 y abrió el despachu d'arquiteutura AS&P (Albert Speer & Partners) en Frankfurt del Main, que ye anguaño unu de los más grandes del país, con más de cien emplegaos.
Foi miembru de l'Academia alemana d'Urbanismu y Planificación rexonal dende 1970. Tamién foi profesor d'urbanismu en Kaiserslautern.
Ente los sos proyeutos más reconocíos ta'l diseñu de la Esposición Universal de 2000 en Hannover, la Ciudá Internacional del Automóvil de Shanghai y el nuevu complexu pa los Xuegos Olímpicos de Beixín 2008.
Recibió'l Premiu Goethe de Frankfurt en 2003.
Foi designáu por Qatar pa crear l'Estadiu Nacional de Lusail y el Al-Shamal Stadium pa la Copa Mundial de Fútbol de 2022.
Referencies
Enllaces esternos
