Un aeropuertu nacional ye un aeropuertu que namái s'ocupa de los vuelos de tipu local, lo que quier dicir qu'opera dientro d'un mesma rexón o país. Los aeropuertos nacionales nun cunten con instalaciones d'aduana ya inmigración y por tanto nun puede remanar vuelos escontra o dende un aeropuertu estranxeru.
Estos aeropuertos de normal tienen pistes curties abondes pa remanar aviones de curtiu o mediu percorríu y el tráficu aereu rexonal. Nel pasáu, dellos aeropuertos nacionales nun teníen controles de seguridá, pero añadiéronse nos últimos años.
La mayoría de los aeropuertos municipales en Canadá y los Estaos Xuníos son d'esta clasificación. Nos aeropuertos internacionales de Canadá, hai terminales nacionales que remanen los vuelos dientro de Canadá (volar d'una ciudá canadiense a otra).
Nel Reinu Xuníu, un exemplu d'un aeropuertu nacional ye l'aeropuertu de Wick, qu'opera vuelos frecuentes a otros aeropuertos escoceses.
Dellos países o rexones pequeñes nun tienen nengún aeropuertos nacionales, o inclusive vuelos nacionales, por cuenta del so tamañu o razones polítiques. Por casu: Bélxica, Ḥong Kong, Kuwait, Macáu, Singapur y los Emiratos Árabes Xuníos.
Aeropuertu rexonal
Un aeropuertu rexonal ye un aeropuertu que sirve al tráficu dientro d'una área xeográfica relativamente pequeña o pocu poblada. Un aeropuertu rexonal de normal nun tien instalaciones d'aduana ya inmigración pa procesar el tráficu ente países. En Canadá los aeropuertos rexonales suelen dar serviciu a conexones dientro de Canadá y dellos vuelos a los Estaos Xuníos.
Les aeronaves qu'utilicen estos aeropuertos tienden a ser pequeños aviones comerciales, aviones privaos y aviones rexonales de turbohéliz o propulsados. Estos vuelos suelen dir una distancia menor o a un centru rexonal más grande. Estos aeropuertos polo xeneral tienen pistes más curties , que nun tienen la capacidá por qu'aterrizen los aviones pesaos con muncho combustible.
Europa
Nos países europeos, los aeropuertos rexonales son de cutiu clasificaos como aeropuertos que nun tán na capital / ciudá más importante del país. Los exemplos de los aeropuertos rexonales más grandes inclúin l'aeropuertu del Prat, España y l'aeropuertu de Manchester, Inglaterra, que son al empar los aeropuertos con más tráficu d'Europa, y son utilizaos por aviones grandes y pequeños . En países como Francia, Alemaña y Suecia, un aeropuertu rexonal ye un aeropuertu p'aviones pequeños. Los exemplos de los pequeños aeropuertos rexonales son l'aeropuertu de Coventry y l'aeropuertu de Worship. Nel norte de Noruega, un país con llargues distancies y munchos aeropuertos con pistes curties, los aeropuertos rexonales son los que tienen vuelos a un centru rexonal, non a la capital.
.JPG)
