Adam Scott (3 d'abril de 1973, Santa Cruz (es) 
) ye un actor d'Estaos Xuníos. Ye conocíu pol so papel de Henry Pollard na comedia de la canal Starz, Party Down y de Ben Wyatt na tamién comedia, Parks and Recreation de la NBC
Biografía
Adam Scott nació en Santa Cruz, California. Los sos padres son dos maestros xubilaos y ye'l menor de tres hermanos, Shannon y David. En 1993, graduóse na American Academy of Dramatic Arts de Los Angeles.
Cine
En 1993, graduóse na American Academy of Dramatic Arts de Los Angeles. Empezó trabayando orixinalmente como actor dramáticu, pero'l so gran versatilidad lo foi llevando adulces escontra'l camín de la comedia. Unu de los sos primeros papeles nel cine foi na película de terror, Hellraiser: Bloodline.
A mediaos de la década de los 90, llogró los sos primeros trabayos profesionales, ente los que se cunten los llargumetraxes "Frankie the Fly" (1996), onde actuó xunto a Dennis Hopper y Daryl Hannah; "Ronnie" (2002), un thriller que lo tuvo como protagonista; "Tola verdá" (2002), protagonizada por Ashley Judd y Morgan Freeman; "The Aviator" (2004), de Martin Scorsese; o "The Matador" (2005), con Pierce Brosnan.
Ente los sos últimos trabayos tán les películes "Monster-In-law" (2005), "The Return" (2006), "Llíu embarazoso (Knocked Up)" (2007), "August", "Step Brothers (Step Brothers)" (2008) o "Leap Year" (2010), y el thriller d'horror "Piranha 3-D" (2010), Bacherolette (2012), A.C.O.D. (2013), "La vida secreta de Walter Mitty" (2013), ente munches otres.
En televisión participó nes series "Six Feet Under", "Urxencies (Y.R.)", "Murder One", "NYPD Blue","Party of Five", "Wasteland", "CSI: Miami" o "Law & Order", ente otres. Tamién interpretó a Palek na serie "Tell Me You Love Me", y a Henry Pollar en "Party Down". Anguaño encarna al personaxe Ben Wyatt en "Parks & Recreation".
Nel teatru tuvo papeles nes producciones "Uncle Bob", que se presentó en Los Angeles, Nueva York y Edimburgu; "Everett Beekin" nel South Coast Repertory; "Romeo y Julieta" nel Festival de Shakespeare de Berkeley; "Dealer’s Choice" y "Buffalo Hunters" nel Mark Taper Forum; "Beirut" nel Gardner Stage; "Water and Wine" nel Met Theatre; y "Bloody Poetry" nel Globe Theatre.
Adam Scott vive en Hollywood, California, cola so esposa, Naomi Sablan.
Filmografía
Cine
Televisión
Referencies
Enllaces esternos
