Tres l'españíu de la rebelión de los Países Baxos en 1564 y l'entamu de la guerra de los Ochenta Años, l'Acta d'axuración representa'l puntu de non torna na rebelión, tres el cual yá nun hai alcuerdu posible ente los rebeldes holandeses y la corona española.
El 26 de xunetu de 1581, les provincies de Brabante, Gelderland, Zutphen, Holanda, Zelanda, Frisia, Mechelen y Utrech,[1] anularon nos Estaos Xenerales de los Países Baxos, la so vinculación col Rei d'España Felipe II, pol Acta d'axuración, y escoyeron como "Principe y señor de los Países Baxos" y "defensor" de les sos llibertaes a Francisco d'Anjou. L'asamblea omitió de manera espresa'l títulu de Rei, y determinó que tenía de sirvir a los sos súbditos y respetar les sos lleis y tradiciones, y en casu contrariu, el pueblu tenía derechu a escoyer a otru gobernante.
Pero Felipe II nun arrenunció a esos territorios, y el gobernador de los Países Baxos Alejandro Farnesio, empecipió la contraofensiva y recuperó a la obediencia del rei d'España Felipe II de gran parte del territoriu,[2] especialmente tres el asediu d'Amberes, pero parte d'ellos volviéronse a perder tres la campaña de Mauricio de Nassau.
