PROFILPELAJAR.COM

20th Century Studios
	Estudiu cinematográficu, productora de cine, productora de televisión y empresa productora (es)
Llocalización
Sede	Fox Plaza
Direición	Estaos Xuníos
Coordenaes	34°03′06″N 118°24′36″W / 34.05160011°N 118.40999498°O
	20th Century Studios 20th Century Studios (los EE.XX.)
Forma xurídica	sociedad de Delaware (es)
Historia
Fundación	31 mayu 1935
Fundador	Joseph M. Schenck; Darryl F. Zanuck; William Fox
Organigrama
Dueñu	The Walt Disney Company
Direutor executivu	Stacey Snider
Sector
Industria	industria cinematográfica (es)
Productos destacaos	software
Participación empresarial
Organización matriz	The Walt Disney Studios
Propietariu de	ver Kingsman;
Datos económicos
Emplegaos	2300 (2018)
Varios
Premios	Óscar honoríficu;
	Web oficial

20th Century Studios (enantes conocida como Twentieth Century Fox Film Corporation o 20th Century Fox) ye ún de los principales estudios de cine, asitiáu nel área de Century City en Los Angeles, Estaos Xuníos, xusto al oeste de Beverly Hills. Esti estudiu ye una subsidiaria de News Corporation, el conglomeráu mediáticu controláu por Rupert Murdoch.

Historia

La compañía ye'l resultáu d'una fusión en 28 d'avientu de 1934 ente Fox Film Corporation creada por William Fox en 1912, y Twentieth Century Pictures, creada en 1933 por Darryl F. Zanuck, Joseph Schenck, Raymond Griffith y William Goetz. William Fox, foi un pioneru na creación de cadenes de sales de cine, entamó a producir películes en 1914, y en 1917 atopó una mina d'oru al ufrir la sensación del cine mudu, Theda Bara. Foi más un empresariu qu'un home d'espectáculu, Fox concentróse n'adquirir y construyir sales; les películes yeren secundaries. Cuando'l soníu aportó al cine, Fox adquirió los derechos d'un procesu alemán pal soníu nes películes que nomó "Movietone", en 1926 empecipió a ufiertar proyeiciones con grabaciones de música y d'efeutos. L'añu siguiente dio aniciu a "Noticies Fox Movietone", una presentación selmanal de noticies que se presentó hasta 1963. La creciente compañía necesitaba espaciu, y en 1926 Fox adquirió trescientos acres nún tarrén ermu al oeste de Beverly Hills ú construyó "Movietone City", l'estudiu meyor equipáu de la so dómina.

Cuando'l so rival Marcus Loew morrió en 1927, Fox intentó mercar les propiedaes de la familia; Loew's Inc., que controlaba más de doscientes sales asina como tamién l'estudiu MGM. Cuando la familia accedió a vender, la fusión de Fox y Loew's Inc. anuncióse en 1929. Pero'l xefe l'estudiu de MGM Louis B. Mayer -que nun incluyóse nel tratu- refugó, usando conexones polítiques, fizo un llamáu a la Xunidá anti-monopolios del Departamentu de Xusticia pa que bloquiara la fusión. Cola fortuna favoreciendo a Mayer nuna curiosa forma, Fox sufrió un accidente automovilísticu, y pa en cuando se recobró, la cayía de la bolsa de 1929 escosara cásique tola so fortuna, y punxo fin a la so ansiada fusión.

Sobre-espardíu y vera de la bancarota, Fox foi-y arrebatáu'l so emperiu. Fox Film Corporation, con más de quinientes sales, foi puestu embaxo alministración xudicial; una reorganización regulada pola banca apropióse de la compañía por un tiempu, pero yera nidio qu'una fusión yera la única alternativa pa que la corporación pudiere sobrevivir.

En Warner Brothers, el direutor de producción Darryl Zanuck alcontrábase nuna griesca pol dineru; el puñu duru de los Warner amenoragaren costos na presión baxando los salarios. Cuando Zanuck pidió'l so pagu dafechu, refugaron y el renunció. Díes depués anunció la creación d'una nueva compañía -Twentieth Century Pictures, n'asociación con Joseph Schenck, presidente d'United Artists. Entamó a aperar a mediaos de 1933, estrenando de cuatro a seyes películes al añu al traviés d'United Artists, Twentieth Century foi un ésitu, en parte por mor del sofitu financieru de L. B. Mayer y Nicholas Schenck, l'hermanu de Joseph y direutor de Loew's Inc.

Dos años dempués, Joseph Schenk y la xefatura de Fox Film accordaron la decisión de facer una fusión, Zanuck diba pa direutor de producción y Schenk comu xefe executivu. Los observadores d'esta combinación mur-elefante esperaben que la nueva compañía tomare'l nome de "Fox-Twentieth Century". Pero, tomando'l nome de Twentieth Century-Fox Film Corporation, la nueva compañía creyóse en 28 d'avientu de 1934.

Amás d'una cadena de sales y un estudiu de primer clas con un gran tarrén al delláu, Zanuck y Schenck teníen la impresión de que nun había muncho más de valor na compañía Fox Film. La estrella más grande del estudiu, Will Rogers, morrió nún accidente aereu, selmanes depués de la fusión. La so estrella femenina más dominante, Janet Gaybor, taba cayendo en popularidá. Les promeses masculines más importantes, James Dunn y Spencer Tracy foron despedíos pol so escesivu consumu de bebíes alcohóliques. Entaínando Zanuck contrató a xovenes actores que seríen los que sostuvieron a la compañía per años: Tyrone Power, Don Ameche, Henry Fonda, la patinadora Sonja Henie y Betty Grable. Y na nómina alcontró dos artistes coles qu'algamaría grandes ganancies, Alice Faye y una neña de siete años nomada Shirley Temple.