1 William Street ye un rascacielos d'oficines asitiáu en Brisbane (Queensland, Australia). Con 259,8 metros ye l'edificiu más altu de la ciudá. Asitiáu nel distritu financieru de Brisbane, mui cerca de la Parliament House. Foi promovíu pal Gobiernu de Queensland como parte del proyeutu d'un nuevu complexu alministrativu para satisfaer les sos necesidaes d'espaciu d'oficines. El costu de la construcción de la torre valoróse'n 538 millones de dólares, y el costu total del proyeutu en más de 650 millones de dólares. Completóse n'ochobre de 2016 y el treslláu a ella de los trabayadores duró seyes selmanes.
Historia del solar
El solar taba travesáu d'antiguo por Short Street ya incluyía dellos usos distintos. Dende 1854 había edificios qu'ocupaben la zona y usábense para delles funciones, tales como fábriques, almacenes, viviendes y xeneración d'electricidá. El gobiernu de Queensland empezó a mercar les propiedaes nos años sesenta como parte del so proyeutu Government Precinct («Complexu del Gobiernu») y empezó a valtar los edificios qu'esistíen, datando dalgunos d'ellos de mediaos del sieglu XIX. Los escombros resultantes de valtar l'axacente Bellevue Hotel y de la construcción del 80 George Street refundiáronse nel solar de 1 William Street. Cerróse Short Street y tola zona fundióse nuna única mazana, 1 William Street. En 1974, designóse la parcela pa qu'agospiara futures oficines gubernamentales.[1]
1 William Street ye una parcela de 6778 m² propiedá del Gobiernu de Queensland, y dende 1982 hasta 2013 usóse como aparcamientu de coches del gobiernu. La parcela toma una mazana completa arrodiada por William Street, Alice Street, Margaret Street y Riverside Expressway.
Dende 2012, 1 William Street ye denominada de vezu Tower of Power («Torre del Poder») nos medios de comunicación en referencia a ls fuercia política del gobiernu Newman, que foi'l que la encargó, y a que l'edificiu alluga dafechu trabayadores públicos del Gobiernu de Queensland.[2][3][4][5]
Desarrollu
N'agostu de 2012 llevóse a cabu un procesu de llicitación nel que'l gobiernu solicitó ufiertes d'organizaciones con esperiencia interesaes nel proyeutu. Propúnxose que la parcela tuviera disponible pa la empresa ganadora baxo un contratu d'arrendamientu al llargu plazu y que'l gobiernu de Queensland arrendaría al llargu plazu unos 75 000 m² d'oficines nel edificiu.
En setiembre de 2012 escoyéronse seyes promotores pa que desenvolvieren propuestes para la nueva torre. Estes empreses fueron Cbus, Lend Lease, Brookfield, Westfield, Leighton Properties y Grocon.[6][7] N'avientu de 2012, anuncióse que Cbus sería la promotora de 1 William Street.[8] Concedióse a la promotora un arriendu por 99 años de la parcela y un arriendu garantizáu per quince años de 60 000 m² d'oficines pal gobiernu.[9]
Diseñu
1 William Street dende la so base.
1 William Street tien una superficie total de 119 977 m² y una superficie alquilable neta de 74 853 m² d'oficines, sacante los comercios, que cubren 1169 m². L'edificiu incluye amás 318 places d'aparcamientu pa coches.
Unos 60 000 m² axudicáronse pa usu del gobiernu, dexando unos 15 000 m² llibres pa soarrendar al sector priváu.[10] Preténdese que les oficines reciban una calificación enerxética de cinco estrelles y una calificación de consumu d'agua de trés estrelles de NABERS. Ye'l primer edificiu nuevu d'oficines construyíu pal gobiernu nel distritu financieru de Brisbane dende la construcción del edificiu d'oficines nel 33 de Charlotte Street en 2004.[11]
La tema y los colores de cada planta tán dedicaos a un iconu o fenómenu natural distintu de Queensland:[12]
A partir del 1 d'ochobre de 2016, nueve departamentos y axencies completes, tolos ministros del gobiernu del estáu, la mayor parte de los direutores xenerales y más de cinco mil trabayadores públicos treslladáronse a 1 William Street.[14] Delles seiciones d'otros departamentos tamién se treslladaron a 1 William Street, ente que les otres seiciones d'estos departamentos treslladáronse a otros edificios asitiaos nel centru de la ciudá. Van valtase trés edificios: l'Executive Building nel 100 George Street, l'Executive Annex nel 80 George Street y el Neville Bonner Building nel 75 William Street.
↑«Union backs Crown against 'King of Gambling' for Brisbane casino». Brisbane Times (en inglés). 18 d'avientu de 2014. (n'inglés)Union backs Crown against 'King of Gambling' for Brisbane casino. 18 d'avientu de 2014.
↑Remeikis, Amy. «Brisbane Live at Work: Monday March 4» (inglés). Brisbane TimesBrisbane Times. Fairfax MediaFairfax Media. Consultáu'l 4 de mayu de 2018.
