অসম বিধানসভা নিৰ্বাচন, ১৯৯১

১৯৮৫ ← → ১৯৯৬

অসম বিধানসভাৰ সমগ্ৰ ১২৬টা সমষ্টি সংখ্যাগৰিষ্ঠতাৰ বাবে ৬৪ খন আসনৰ প্ৰয়োজন জনমত জৰীপ   সংখ্যাগৰিষ্ঠ দল সংখ্যালঘিষ্ঠ দল   নেতা হিতেশ্বৰ শইকীয়া প্ৰফুল্ল কুমাৰ মহন্ত দল কংগ্ৰেছ অগপ নেতা হৈছে ১৯৯১ ১৯৮৫ নেতাৰ আসন নাজিৰা বৰহমপুৰ

অসম বিধানসভাৰ সমষ্টিসমূহ

নিৰ্বাচনৰ পূৰ্বৰ মুখ্যমন্ত্ৰী প্ৰফুল্ল কুমাৰ মহন্ত অগপ নিৰ্বাচিত মুখ্যমন্ত্ৰী হিতেশ্বৰ শইকীয়া কংগ্ৰেছ

১৯৯১ৰ অসম বিধানসভা নিৰ্বাচন অসমৰ ৯ম বিধানসভা গঠন কৰিবলৈ অনুষ্ঠিত হৈছিল। ১২৬টা সমষ্টিত হোৱা ভোটদানৰ হাৰ আছিল ৭৪.৬৭%। এইটো নিৰ্বাচনত মুঠ ৫০ গৰাকী মহিলা প্ৰাৰ্থীয়ে অংশগ্ৰহণ কৰিছিল আৰু ইয়াৰে ৫ গৰাকীয়ে বিজয়ী হৈছিল। প্ৰতিদ্বন্দিতা কৰা প্ৰাৰ্থীৰ সংখ্যা কোকৰাঝাৰ পশ্চিম সমষ্টিত আটাইতকৈ কম আছিল, মাত্ৰ ১জন আৰু আটাইতকৈ বেছি আছিল গুৱাহাটী পশ্চিম সমষ্টিত, মুঠ ২৯জন।^[1]

১৯৯১ চনত অসমত লোকসভা আৰু বিধানসভাৰ নিৰ্বাচন একেলগে অনুষ্ঠিত হয়। অসম গণ পৰিষদ চৰকাৰৰ শাসনৰ শেষৰ ফালে অসমৰ আইন শৃংখলাজনীত অৱস্থাৰ গুৰুতৰ অৱনতি ঘটে; যাৰ পৰিণতিত অসমত ২৭ নবেম্বৰ ১৯৯০ৰ পৰা জুন ১৯৯১লৈ ৰাষ্ট্ৰপতি শাসন চলে। ১৯৯১ চনৰ নিৰ্বাচনৰ পূৰ্বে অসমৰ মুখ্য আঞ্চলিক দল অসম গণ পৰিষদৰ দুই ভাগত বিভক্ত হয়। ফালি যোৱা ভাগটো নতুন অসম গণ পৰিষদ নামৰে নিৰ্বাচন আয়োগৰ স্বীকৃতি পায়। অগপ আৰু নঅগপই সুকীয়া সুকীয়াকৈ নিৰ্বাচনত অৱতীৰ্ণ হয়। ইয়াৰ সুবিধা গ্ৰহণ কৰে ভাৰতীয় জাতীয় কংগ্ৰেছে। কংগ্ৰেছে ১২৬খন আসনৰ ভিতৰত ৬৭খন আসন দখল কৰি নিৰংকুশ সংখ্যাগৰিষ্ঠতা লাভ কৰে। আনহাতে অগপ আৰু নঅগপই ক্ৰমে ১৯খন আৰু ৫খন আসন লাভ কৰে। ভোট বিভাজনৰ ফলত তেওঁলোকে বহুকেইখন আসন হেৰুৱাবলগীয়া হয়।^[2]

১৯৯১ৰ বিধানসভা নিৰ্বাচনত ৮৫৮জন নিৰ্দলীয় প্ৰাৰ্থীৰ উপৰিও ৯টা ৰাষ্ট্ৰীয়, ৪টা ৰাজ্যিক আৰু ১৩টা নিৰ্বাচন আয়োগত পঞ্জীভূক্ত, কিন্তু স্বীকৃতিবিহীন ৰাজনৈতিক দলে অংশগ্ৰহণ কৰিছিল। ইয়াৰে ১৮টা ৰাজনৈতিক দলে এখনো আসনত জয়ী হব পৰা নাছিল।^[1]