শিশু দিৱস (ভাৰত)

শিশু দিৱস
পালন কৰে  ভাৰত
প্ৰকাৰ ৰাষ্ট্ৰীয়
মহত্ব শিশুৰ অধিকাৰ, শিক্ষা, কল্যাণৰ বিষয়ে সজাগতা সৃষ্টি।
তাৰিখ ১৪ নৱেম্বৰ
পৰৱৰ্তী তাৰিখ প্ৰতি বছৰে একেটাই দিন
অৱধি এদিন
সংঘটন বাৰ্ষিক

শিশু দিৱস হৈছে শিশুৰ অধিকাৰ, শিক্ষা, কল্যাণৰ বিষয়ে সজাগতা সৃষ্টিৰ উদ্দেশ্যে সমগ্ৰ ভাৰতবৰ্ষত পালন কৰা এক দিৱস। শিশুৰ প্ৰতি বিশেষভাৱে আকৰ্ষিত হোৱা বুলি জনাজাত ভাৰতৰ প্ৰথম প্ৰধানমন্ত্ৰী পণ্ডিত জৱাহৰলাল নেহৰুৰ জন্মদিনত প্ৰতি বছৰে ১৪ নৱেম্বৰৰ দিনটো শিশু দিৱস হিচাপে পালন কৰা হয়। এই দিনটোত সমগ্ৰ ভাৰততে শিশুসকলৰ বাবে বিভিন্ন শিক্ষামূলক আৰু প্ৰেৰণাদায়ক কাৰ্যসূচী অনুষ্ঠিত হয়।[1]

ইতিহাস

১৯৫৭ চনৰ ১৪ নৱেম্বৰত ৰাষ্ট্ৰীয় ষ্টেডিয়ামত অনুষ্ঠিত হোৱা অনুষ্ঠানৰ সময়ত কেইবাটাও বগা পাৰ চৰাই মুকলি কৰি দিয়া হয়।[2]তাৰে এটা পাৰ ঘূৰি আহি নেহৰুৰ মূৰত বহিছিল।[3]

১৯৪৮ চনৰ ৫ নৱেম্বৰত "ফুলৰ টোকেন" বিক্ৰীৰ জৰিয়তে ৰাষ্ট্ৰসংঘৰ শিশুৰ আবেদনৰ বাবে ধন সংগ্ৰহৰ বাবে ভাৰতীয় শিশু কল্যাণ পৰিষদৰ (ICCW) পূৰ্বসূৰীয়ে প্ৰথম শিশু দিৱস "ফুল দিৱস" হিচাপে পালন কৰে। ১৯৪৯ চনৰ ৩০ জুলাইত "শিশু দিৱস" ৰেডিঅ', প্ৰবন্ধ, চিনেমা আদিৰ জৰিয়তে বহুলভাৱে উদযাপন আৰু প্ৰচাৰ কৰা হয়।[4]

১৯৫১ চনত ৰাষ্ট্ৰসংঘৰ সমাজ কল্যাণৰ ফেলো ভি এম কুলকাৰ্ণীয়ে ব্ৰিটেইনত কিশোৰ অপৰাধীৰ পুনৰ্বাসনৰ ওপৰত এক অধ্যয়ন চলাই থকাৰ সময়তে উপলব্ধি কৰিছিল যে ভাৰতৰ অসুবিধাগ্ৰস্ত শিশুক চোৱা-চিতা কৰাৰ কোনো ব্যৱস্থা নাই। ইংলেণ্ডত দ্বিতীয় ৰাণী এলিজাবেথৰ জন্মদিনত “চেভ দ্য চাইল্ড ফাণ্ড”ৰ বাবে ধন সংগ্ৰহৰ বাবে পালন কৰা পতাকা দিৱসৰ পৰা অনুপ্ৰাণিত হৈ কুলকাৰ্ণীয়ে পণ্ডিত নেহৰুৰ জন্মদিনটো শিশু কল্যাণৰ বাবে কাম কৰা বেচৰকাৰী সংস্থাসমূহৰ বাবে ধন সংগ্ৰহৰ বাবে পতাকা দিৱস হিচাপে পালন কৰিব পৰা যাব বুলি পৰামৰ্শ দি এক প্ৰতিবেদন দাখিল কৰে ভাৰতত। যেতিয়া নেহৰুৰ সন্মতি বিচৰা হৈছিল, তেতিয়া তেওঁ প্ৰথমে লাজ পাইছিল যদিও তাৰ পিছত অনিচ্ছা সত্ত্বেও সন্মতি প্ৰদান কৰিছিল।[5]

১৯৪৭ চনৰ পৰা সমগ্ৰ ভাৰততে নেহৰুৰ জন্মদিনটো (১৪ নৱেম্বৰ) ৰাজহুৱাভাৱে পালন কৰা হৈছিল যদিও[6] তেওঁক শ্ৰদ্ধাঞ্জলি জনোৱাৰ বাবে ৰাজহুৱা সভা অনুষ্ঠিত কৰা হৈছিল আৰু শিশুসকলৰ বাবে খেল অনুষ্ঠিত কৰা হৈছিল; [7] ১৯৫৪ চনতহে এই দিনটো প্ৰথম বাৰৰ বাবে "শিশু দিৱস" হিচাপে উদযাপন কৰা হয়।[8] দিল্লীৰ নেচনেল ষ্টেডিয়ামত অনুষ্ঠিত হোৱা এই উদযাপনত ৫০,০০০ তকৈ অধিক স্কুলীয়া ছাত্ৰ-ছাত্ৰীয়ে অংশগ্ৰহণ কৰে।[9][10]

১৯৫৭ চনত ১৪ নৱেম্বৰক ভাৰতত চৰকাৰী বিশেষ আদেশৰ দ্বাৰা আনুষ্ঠানিকভাৱে শিশু দিৱস হিচাপে ঘোষণা কৰা হয়।[11] ভাৰত চৰকাৰৰ ডাক আৰু টেলিগ্ৰাফ বিভাগে বাল দীন ("শিশু দিৱস") উপলক্ষে প্ৰথম দিনৰ কভাৰ আৰু তিনিটা স্মৃতিচাৰণ ডাকটিকট প্ৰচলন কৰে।[12]

তথ্যসূত্ৰ

  1. ↑ "Children's Day 2021: History, Significance And Celebrations" (en ভাষাত). NDTV.com. https://www.ndtv.com/education/childrens-day-2021-jawaharlal-nehru-birth-anniversary-november-14-history-significance-celebrations। আহৰণ কৰা হৈছে: 2022-02-13. 
  2. ↑ "India Celebrates Children's Day". India News খণ্ড 2 (21): পৃষ্ঠা 2. 1957-12-01. https://www.google.co.in/books/edition/India_News/1EEqAQAAMAAJ?hl=en&gbpv=1&dq=%22India+celebrates+Children%27s+Day%22&pg=PA12-IA66&printsec=frontcover. 
  3. ↑ Zikr-e-Dilli. "Children's Day Celebrations in New Delhi, 1957" (en-IN ভাষাত). Zikr-e-Dilli. https://zikredilli.com/f/childrens-day-celebrations-in-new-delhi-1957। আহৰণ কৰা হৈছে: 2022-02-11. 
  4. ↑ Barooah, Pramila Pandit (1999) (en ভাষাত). Handbook on Child, with Historical Background. Concept Publishing Company. ISBN 978-81-7022-735-9. https://books.google.com/books?id=7aMQM4QJ7VQC&dq=%22Flower+Day%22&pg=PA161। আহৰণ কৰা হৈছে: 16 November 2021. 
  5. ↑ Joshi, Shirish (2005-11-12). "How did Children's Day begin". The Tribune. https://www.tribuneindia.com/2005/20051112/saturday/main4.htm. 
  6. ↑ Indian Information. 21. 1947. https://books.google.com/books?id=MABgvuNNe4QC&q=%22Pandit+Nehru%27s+58th+birthday+celebrations%22। আহৰণ কৰা হৈছে: 14 April 2022. 
  7. ↑ "PANDIT NEHRU'S 59TH BIRTHDAY: NATION-WIDE CELEBRATIONS". India News খণ্ড IX (25). 1948-11-18. https://www.google.co.in/books/edition/India_News/Xn2PRp40pn4C?hl=en&gbpv=1&pg=RA9-PA1&printsec=frontcover. 
  8. ↑ Brecher, Michael (1959) (en ভাষাত). Nehru: A Political Biography. Oxford University Press. পৃষ্ঠা. 25. https://books.google.com/books?id=gQcLAQAAIAAJ&q=%22November+14th,+his+birthday,+celebrated+as+Children's+Day+since+1954%22। আহৰণ কৰা হৈছে: 3 May 2022. 
  9. ↑ (en ভাষাত) India, a Reference Annual. Research and Reference Division, Ministry of Information and Broadcasting, Government of India. 1955. পৃষ্ঠা. 389. https://books.google.com/books?id=iXhDAAAAYAAJ&q=%22Children's+Day%22। আহৰণ কৰা হৈছে: 3 May 2022. 
  10. ↑ "Pandit Nehru's Birthday (1954)". British Pathé (YouTube). https://www.youtube.com/watch?v=SWvOnt8siUQ। আহৰণ কৰা হৈছে: 13 February 2022. 
  11. ↑ Ruttonsha, Goshasp N. Satarawala (1965) (en ভাষাত). Aspects of Child Welfare. Rochouse. পৃষ্ঠা. 42. https://books.google.com/books?id=9m2wAAAAIAAJ&q=Children%27s+Day+Nehru। আহৰণ কৰা হৈছে: 16 November 2021. 
  12. ↑ "Children's Day Stamps". India News খণ্ড 3 (1): পৃষ্ঠা 3. 1958-01-01. https://www.google.co.in/books/edition/India_News/1EEqAQAAMAAJ?hl=en&gbpv=1&dq=%22Children%27s%20Day%20Stamps%22&pg=PA12-IA65&printsec=frontcover.