প্ৰেম মন্দিৰ হৈছে ভাৰত ৰ উত্তৰ প্ৰদেশ ৰ মথুৰা জিলাৰ বৃন্দাবন ত অৱস্থিত এটা হিন্দু মন্দিৰ। জগদগুৰু শ্ৰী কৃপালু জী মহাৰাজে (পঞ্চম মূল জগদগুৰু) এই মন্দিৰটি প্ৰতিষ্ঠা কৰিছিল।[ 1] ৰাধা কৃষ্ণ আৰু সীতা ৰাম ৰ নামত মন্দিৰটি উৎসৰ্গা কৰা হৈছে। প্ৰথম স্তৰত ৰাধা কৃষ্ণ আৰু দ্বিতীয় স্তৰত সীতা ৰাম আছে। মূল মন্দিৰৰ গোটেই দেৱালত শ্ৰী কৃষ্ণ আৰু ৰসিক সন্তসকলৰ বিভিন্ন লীলা চিত্ৰিত কৰা হৈছে।[ 2]
২০০১ চনৰ জানুৱাৰী মাহৰ পৰা মন্দিৰটিৰ নিৰ্মাণ আৰম্ভ হয়।[ 3] [ 4] [ 5] [ 6]
২০০৫ চনত মুকলি হোৱা ভক্তি মন্দিৰৰ ই ভগ্নী মন্দিৰ। ২০১৯ চনত ইয়াৰ আন এটা ভগ্নী মন্দিৰ মুকলি কৰা হৈছিল যিটো কীৰ্তি মন্দিৰ, বৰছানা নামেৰে জনাজাত।[ 7]
প্ৰেম মন্দিৰত ভগৱান শ্ৰীকৃষ্ণৰ ৰাসলীলা প্ৰেম মন্দিৰৰ বাটচ'ৰা (ৰাতিৰ দৃশ্য) ২০০১ চনৰ ১৪ জানুৱাৰীত সহস্ৰাধিক ভক্তৰ উপস্থিতিত জগদগুৰু শ্ৰী কৃপালু জী মহাৰাজে এই মন্দিৰটিৰ আধাৰশিলা স্থাপন কৰে। এই মন্দিৰটিৰ নিৰ্মাণকাৰ্যত প্ৰায় ১২ বছৰ সময় লাগিছিল, য'ত প্ৰায় ১০০০জন শিল্পকৰ্মী জড়িত আছিল।
বৃন্দাবনত মন্দিৰটিৰ বাবে সঠিক স্থান নিৰ্ধাৰণৰ কাম কৃপালু জী মহাৰাজে কৰিছিল। বৃন্দাবনতে তেওঁৰ মূল আশ্ৰম আছিল।[ 8]
প্ৰেম মন্দিৰ সম্পূৰ্ণৰূপে ইটালী য় মাৰ্বলৰ দ্বাৰা নিৰ্মিত। ইয়াৰ পতাকাকে ধৰি মন্দিৰৰ মুঠ মাত্ৰা ৩৮ মিটাৰ (১২৫ ফুট) উচ্চতা, ৫৮ মিটাৰ (১৯০ ফুট) দীঘল আৰু ৩৯ মিটাৰ (১২৮ ফুট) বহল উচ্চ মঞ্চখনে দুমহলীয়া বগা কীৰ্তিচিহ্নটোৰ আসন হিচাপে কাম কৰে।
মন্দিৰৰ মঞ্চ মন্দিৰ প্ৰাংগণত এটা প্ৰদক্ষিণ পথ নিৰ্মাণ কৰা হৈছে, যাৰ ফলত দৰ্শকে মন্দিৰৰ বাহিৰৰ দেৱালত খোদিত কৰা শ্ৰী ৰাধা কৃষ্ণৰ খেলা-ধূলাৰ ছবি অংকন কৰা ৪৮টা পেনেল চাব পাৰে। দেৱালবোৰ কঠিন ইটালীয় মাৰ্বলৰ, ০.৯৯ মিটাৰ (৩.২৫ ফুট) ডাঠ। প্ৰকাণ্ড শিখৰ, স্বৰ্ণ কলশ আৰু পতাকাৰ ওজন বহন কৰিবলৈ গৰ্ভ-গৃহৰ বেৰৰ বেধ ২.৪ মিটাৰ (৮ ফুট)। মন্দিৰৰ বাহিৰৰ অংশতো ৮৪টা পেনেল স্থাপন কৰা হৈছে। তাত শ্ৰী ৰাধা কৃষ্ণৰ প্ৰেমময় লীলা প্ৰদৰ্শন কৰা হৈছে। ইয়াৰ বাহিৰেও মন্দিৰৰ ভিতৰত ৰাধা কৃষ্ণৰ লীলাৰ অসংখ্য প্ৰতিকৃতি বা ভগৱান শ্ৰীকৃষ্ণৰ অলৌকিকতাও পোৱা যায়।
.jpg)
.jpg)
