ডিব্ৰুগড় ৰেল ষ্টেচন ভাৰতীয় ৰেলৰ জংচন ষ্টেচন
ডিব্ৰুগড় ৰেল ষ্টেচনৰ এক দৃশ্য
ষ্টেচনৰ তথ্য
ঠিকনা	বাণীপুৰ, ডিব্ৰুগড়, অসম ভাৰত
স্থানাংক	27°27′52″N 94°56′13″E / 27.4645°N 94.9369°E / 27.4645; 94.9369
উচ্চতা	১০৮ মিটাৰ (354 ফুট)
লাইন	লামডিং-ডিব্ৰুগড় খণ্ড শিমলুগুৰি-ধামালগাঁও-ডিব্ৰুগড় খণ্ড ডিব্ৰুগড়-ধামালগাঁও-শ্ৰীপানী খণ্ড
গঠনৰ প্ৰকাৰ	সাধাৰণ মাটিত
প্লে'টফৰ্ম	৪
ট্ৰেক	১৮
পাৰ্কিং	আছে
চাইকেলৰ সুবিধা	নাই
Baggage check	আছে
আন তথ্য
মুকলি	২০০৯
ষ্টেচন ক'ড	DBRG
মণ্ডল	উত্তৰ-পূব সীমান্ত ৰেলৱে
ডিভিজন	তিনিচুকীয়া
অধিকাৰিত্ব	ভাৰতীয় ৰেল
অ'পাৰেটৰ	উত্তৰ-পূব সীমান্ত ৰেলৱে
ষ্টেচন স্থিতি	কাৰ্য্যক্ষম
অৱস্থান
class=notpageimage| অসমৰ মানচিত্ৰত ডিব্ৰুগড় ৰেল ষ্টেচনৰ অৱস্থান Show map of অসম ডিব্ৰুগড় ৰেল ষ্টেচন (ভাৰত) Show map of ভাৰত

ডিব্ৰুগড় ৰেল ষ্টেচন (ইংৰাজী: Dibrugarh Railway Station) অসমৰ ডিব্ৰুগড় জিলাৰ বাণীপুৰত অৱস্থিত। ই লামডিং-ডিব্ৰুগড় শাখাৰ এক গুৰুত্বপূৰ্ণ ষ্টেচন। ডিব্ৰুগড় টাউন ৰেল ষ্টেচন (DBRT)ৰ পিছতেই ডিব্ৰুগড় ৰেল ষ্টেচন (DBRG) ঐতিহাসিক নগৰৰ দ্বিতীয় ৰেল ষ্টেচন।

১৬ জুলাই, ১৮৮৩ চনত ডিব্ৰুমুখৰ পৰা মাকুমলৈ ডিব্ৰু-শদিয়া ৰেলৱেৰ 1,000 mm (3 ft 3 ³⁄₈ in) বহল মিটাৰগেজ ৰেললাইন যাত্ৰীৰ বাবে মুকলি কৰা হৈছিল। পিছলৈ ১৯০৩ চনত অসম বেংগল ৰেলৱেৰ চট্টগ্ৰামৰ পৰা লামডিঙলৈ থকা মিটাৰ গজ লাইনটোক তিনিচুকীয়াত ডিব্ৰু-শদিয়া লাইনৰ সংযোগ কৰা হয়।^[1] ডিব্ৰুগড়-লামডিং শাখা মিটাৰ গজৰ পৰা ব্ৰড গজলৈ 1,676 mm (5 ft 6 in) সলনি কৰাৰ প্ৰকল্প ১৯৯৭ চনৰ শেষলৈ সমাপ্ত হয়।^[2]

২০০২ চনত বগীবিল নামৰ ঠাইত ব্ৰহ্মপুত্ৰৰ ওপৰত চতুৰ্থখন দলং নিৰ্মাণৰ কাম আৰম্ভ হ'ল। এইখন এখন ৰেল আৰু মটৰ চলিবপৰা দুখলপীয়া দলং। সমান্তৰালভাবে ডিব্ৰুগড়ৰ পৰা উত্তৰ অসমৰ ৰঙাপাৰা-মুৰ্কংচেলেক ৰেলপথ সংযোগী এটা নতুন ৰেলপথ নিৰ্মাণৰ কামো চলিল।^[3] ইফালে পূৰ্বৰ মিটাৰগেজ শিমলুগুৰি-মৰাণহাট শাখা ৰেলপথ ব্ৰডগেজলৈ ৰূপান্তৰ কৰি ইয়াক ডিব্ৰুগড়লৈ সম্প্ৰসাৰণ কৰাৰ প্ৰকল্পও হাতত লোৱা হ'ল। ২০০৯ চনত মৰাণহাটৰ পৰা ডিব্ৰুগড়লৈ সম্প্ৰসাৰিত অংশ (মৰাণহাট-চাউলকৰা খণ্ড) ৰেল যাতায়তৰ বাবে মুকলি কৰা হয়।^[4] সেইবাবে ডিব্ৰুগড়ত এটা নতুন ৰেল ষ্টেচন নিৰ্মাণৰ প্ৰয়োজনীয়তা আহি পৰিল। ১৩ ডিচেম্বৰ , ২০০৯ ৰ পৰা বাণীপুৰ অঞ্চলত নতুনকৈ নিৰ্মাণ কৰা ডিব্ৰুগড় ষ্টেচনৰ পৰা ৰেলসেৱা আৰম্ভ হয়।^[5]

২০১১ চনত আৰম্ভ কৰা ডিব্ৰুগড় - কন্যাকুমাৰী বিবেক এক্সপ্ৰেছ (Dibrugarh - Kanyakumari Vivek Express) ভাৰতৰ দীৰ্ঘতম ৰেলসেৱা। ৰেলখনে অসম, পশ্চিমবঙ্গ, উৰিষ্যা, অন্ধ্ৰপ্ৰদেশ, তামিলনাডু, কেৰালাৰ মাজেৰে ৮২ ঘণ্টাত 4,278 km (2,658 মাইল) পথ অতিক্ৰম কৰে।^[6][7]

ডিব্ৰুগড় ৰেল ষ্টেচনৰ পৰা অহা যোৱা কৰা কিছুমান উল্লেখযোগ্য ৰেলৰ নং, নাম, আদিস্থান, গন্তব্য স্থান আৰু দিনৰ সূচী তলত দিয়া হৈছে:

• ডিব্ৰুগড় টাউন ৰেল ষ্টেচন

• ডিব্ৰুগড়ৰ ৰেলসমূহ