বজৰংগী ভাইজান (ইংৰাজী: Brother Bajrangi) কবীৰ খানৰ দ্বাৰা পৰিচালিত এখন ভাৰতীয় ড্ৰামা চলচ্চিত্ৰ।^[4] কে ভি ৱিজয়েন্দ্ৰ প্ৰসাদৰ দ্বাৰা লিখিত এই ছবি ছলমান খান আৰু ৰকলাইন ভেংকতেশৰ দ্বাৰা নিৰ্মিত।^[5][6][7]

ছলমান খান, হৰ্ষালী মলহোত্ৰা, কৰীণা কাপোৰ, নাৱাজুদ্দিন ছিদ্দিকী এই ছবিৰ মুখ্য চৰিত্ৰ।^[8][9] ছবিখন সমগ্ৰ বিশ্বতে ১৭ জুলাই ২০১৫ চনত মুকলি কৰা হ'ল ঈদৰ দিনা।^[10][11]

ছবিখনৰ আৰম্ভণিত ওলায় ভাৰত-পাকিস্তানৰ ক্ৰিকেট খেল চাই থকা এটি পাকিস্তানী মুছলমান পৰিয়াল। ছাহিদ আফ্ৰিদিয়ে পাকিস্তানক বিজয়ী কৰাৰ সময়তে এজনী গৰ্ভৱতী মহিলা (মেহেৰ ভিজ)ৰ পেটৰ কেঁচুৱাই গোৰ মাৰে। তেওঁ সেই কেঁচুৱাৰ (কন্যা)ৰ নাম ছাহিদা (হৰ্ষালী মলহোত্ৰা) ৰাখে। কেইবছৰমানৰ পিছত বোবা ছাহিদাৰ মাত আনিবলৈ মাকে তায়ে যায় দিল্লীৰ নিজামুদ্দিন দৰগাহ। পিচে, ছাহিদা ভাৰততে হেৰাই যায়। মাক গৈ পাকিস্তান পায়।

কুৰুক্ষেত্ৰত হনুমানৰ ভক্ত এজন হিন্দু যুৱক পৱন কুমাৰ চতুৰ্ৱেদী (ছলমান খান)এ তাইক পাই। পৱনে ছোৱালীজনী হিন্দু আৰু মাক-বাপেকৰ পৰা পৃথক হোৱা বুলি ভাবি তাইক আশ্ৰয় দিয়ে।

ছাহিদাৰ নাম জানিব নোৱাৰি পৱনে তাইক মুন্নী নাম দিয়ে। দিল্লীৰ বাছত পৱনে নিজৰ কাহিনী সকলোকে শুনায়। তেওঁ নিজৰ দেউতাকৰ বন্ধু আৰু তেওঁ বিবাহ কৰিব বিচৰা ৰছিকা (কৰীণা কাপোৰ)ৰ ঘৰত থাকে। তেওঁ মুন্নীকো তেওঁৰ লগতে ৰাখে।

• পৱন কুমাৰ চতুৰ্ৱেদী-- ছলমান খান
• ছাহিদা/ মুন্নী-- হৰ্ষালী মলহোত্ৰা
• ৰছিকা-- কৰীণা কাপোৰ
• চান্দ নৱাব (পাকিস্তানী সাংবাদিক)-- নাৱাজুদ্দিন চিদ্দিকী
• ছাহিদাৰ মাহ-- মেহেৰ ভিজ
• --নজীম খান
• যাত্ৰী-- কমলেশ গিল
• মৌলানা চাহিব-- ওম পুৰী (গেষ্ট এপিয়াৰেঞ্চ)
• দয়ানন্দ (ৰছিকাৰ দেউতাক)-- ছৰৎ ছক্সে'না
• ৰছিকাৰ মাক-- অলকা কৌছল
• আদনান ছামি (গেষ্ট এপিয়াৰেঞ্চ)
• বজৰংগীৰ দেউতাক-- অটুল শ্ৰীৱাস্তৱ