এৰা বাটৰ সুৰ Era Bator Sur
'এৰা বাটৰ সুৰ' ছবিৰ পোষ্টাৰ
পৰিচালক	ভূপেন হাজৰিকা
চিত্ৰনাট্য	প্ৰিয়ম হাজৰিকা, ভূপেন হাজৰিকা
কাহিনী	ভূপেন হাজৰিকা
প্ৰযোজক	বি পি ফিল্মছ
অভিনয়ত	বিজয় শঙ্কৰ ইভা আচাও
চিত্ৰগ্ৰহণকাৰী	অনিল গুপ্ত
সম্পাদনা	তৰুণ দত্ত
সংগীত পৰিচালক	ভূপেন হাজৰিকা
মুক্তি	৩০ নবেম্বৰ, ১৯৫৬
দেশ	ভাৰত
ভাষা	অসমীয়া

এৰা বাটৰ সুৰ (ইংৰাজী: Era Bator Sur) ভূপেন হাজৰিকা পৰিচালিত আৰু বি পি ফিল্মছ প্ৰযোজিত এখন ক'লা-বগা অসমীয়া বোলছবি। ৩০ নবেম্বৰ, ১৯৫৬ত ছবিখনে মুক্তি পাইছিল। এইখন ড॰ ভূপেন হাজৰিকা পৰিচালিত প্ৰথম ছবি। ছবিৰ কাহিনী, সঙ্গীত আৰু গীত ৰচনাও হাজৰিকাৰে আছিল।^[1][2]

জয়ন্ত দুৱৰা গীতিকাৰ, সাংবাদিক। মাটিৰ সুৰ বিচাৰি, লিখাৰ সমল বিচাৰি জয়ন্ত ৰতনপুৰ বাগিছা পালেহি। তেওঁৰ বাবে টকা ঘটাৰ বাট অলেখ; কিন্তু স্বেচ্ছাই তেওঁ দৰিদ্ৰতাক আঁকোৱালি লৈছে। ৰতনপুৰ বাগিছাৰ মালিক বিশ্ব ফুকনে বিচাৰে জয়ন্তই তেওঁৰ জীয়ৰী নিশাক বিয়া কৰাওক। কিন্তু তেওঁ যি বাটেৰে বাট বুলিছে সেয়া কাঁইটীয়া বাট। সেয়েহে নিশাৰ অমঙ্গল হ'ব বুলিয়ে তেওঁ সেই প্ৰস্তাৱ প্ৰত্যাখান কৰে। নিশাক লৈ বিশ্ব ফুকনে বাগিছা এৰি কলিকতালৈ গুছি আহে।

জয়ন্তৰ গানবোৰ বাগিছাৰ বনুৱা গাভৰু মিন্নিৰ কণ্ঠত প্ৰাণ পাই উঠে। এনেতে বাগানৰ বনুৱা বস্তিত হাইজা লাগে। বহুতো বনুৱাৰ মৃত্যু হ'ল। বাগিছাৰ মেনেজাৰ ৰুপেন বৰুৱাই বনুৱাসকলৰ চিকিৎসাত অৱহেলা কৰা বুলি জয়ন্ত আৰু বনুৱা হাৰানে অভিযোগ কৰে। মেনেজাৰে কোনো জাননী নিদিয়াকৈ হাৰানক চাকৰিৰ পৰা চাটাই কৰে। জয়ন্তৰ তাঁৰ পাই বিশ্ব ফুকন কলিকতাৰ পৰা আহি মেনেজাৰৰ কাৰ্য-কলাপৰ উমান পায়।

জয়ন্তক অন্য বহুতৰ লগতে বনুৱা যুৱক ঝুমনুৱেও ভুল বুজিলে। সি ভাবিলে এই বাবুৱে সুৰ বিচাৰি আহি তাৰ মৰমৰ মিন্নিজনীকে কাঢ়ি নিব ওলাইছে।^[1]

এৰা বাটৰ সুৰৰ সঙ্গীত পৰিচালনা আৰু গীত ৰচনা কৰিছিল ভূপেন হাজৰিকাই। উল্লেখনীয় যে ইয়াত বাংলা আৰু হিন্দী চলচ্চিত্ৰৰ লতা মংগেশকাৰ, হেমন্ত মুখাৰ্জী আৰু সন্ধ্যা মুখাৰ্জীয়ে কণ্ঠ দিছিল। ই এখন থলুৱা গীত-মাতেৰে পৰিপূৰ্ণ সঙ্গীতপ্ৰধান ছবি আছিল। বৰগীতৰ প্ৰখ্যাত শিল্পী বৰপেটা সত্ৰৰ কেৱলীয়া ভকত নৰহৰি বুঢ়াভকতৰ বৰগীত পৰিবেশনে ছবিখনৰ জেউতি চৰাইছিল।^[2][1][3]

প্ৰ • আ • স অসমীয়া চলচ্চিত্ৰ দশক ১৯৩০ ১৯৪০ ১৯৫০ ১৯৬০ ১৯৭০ ১৯৮০ ১৯৯০ ২০০০ ২০১০ ২০২০ চলচ্চিত্ৰ পৰিচালক জ্যোতিপ্ৰসাদ আগৰৱালা পাৰ্ৱতি প্ৰসাদ বৰুৱা ফণী শৰ্মা ভূপেন হাজৰিকা কমল নাৰায়ণ চৌধুৰী সুপ্ৰভা দেৱী ভবেন্দ্ৰ নাথ শইকীয়া জাহ্নু বৰুৱা নিপ বৰুৱা মুনিন বৰুৱা ব্ৰজেন বৰুৱা পদুম বৰুৱা দ্বিবন বৰুৱা আব্দুল মজিদ পুলক গগৈ শিৱপ্ৰসাদ ঠাকুৰ সমৰেন্দ্ৰ নাৰায়ণ দেৱ অতুল বৰদলৈ জুবিন গাৰ্গ বিতং তালিকা… সঙ্গীত পৰিচালক ভূপেন হাজৰিকা ব্ৰজেন বৰুৱা ৰমেন বৰুৱা জয়ন্ত হাজৰিকা দ্বিবন বৰুৱা খগেন মহন্ত জুবিন গাৰ্গ বিতং তালিকা… অভিনেতা বিষ্ণুপ্ৰসাদ ৰাভা ফণী শৰ্মা ব্ৰজনাথ শৰ্মা নিপন গোস্বামী বিজু ফুকন যতীন বৰা তপন দাস বিতং তালিকা… অভিনেত্ৰী আইদেউ সন্দিকৈ মলয়া গোস্বামী প্ৰস্তুতি পৰাশৰ জেৰিফা ৱাহিদ চেতনা দাস বিতং তালিকা… অন্য বিষয় অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা ৰাজ্যিক চলচ্চিত্ৰ বঁটা জ্যোতি চিত্ৰবন অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিত চলচ্চিত্ৰ আৰু দূৰদৰ্শন প্ৰতিষ্ঠান শ্ৰেণী ৱিকি কমন্স