আমাৰ ঘৰ Amar Ghar
পৰিচালক	নিপ বৰুৱা
চিত্ৰনাট্য	লক্ষ্যধৰ চৌধুৰী
কাহিনী	নিপ বৰুৱা
প্ৰযোজক	অমলেন্দু বাগচী
অভিনয়ত	বিজয় শঙ্কৰ বীণা বৰুৱা
চিত্ৰগ্ৰহণকাৰী	নলিন দুৱৰা
সম্পাদনা	শিৱ ভট্টাচাৰ্য
সংগীত পৰিচালক	ব্ৰজেন বৰুৱা, ৰমেন বৰুৱা
মুক্তি	৪ ডিচেম্বৰ ১৯৫৯
দেশ	ভাৰত
ভাষা	অসমীয়া

আমাৰ ঘৰ (ইংৰাজী: Amar Ghar) ১৯৫৯ চনত মুক্তি পোৱা এখন অসমীয়া কথাছবি। কাহিনী আৰু পৰিচালনা নিপ বৰুৱাৰ। কামৰূপ কলা মন্দিৰৰ বেনাৰত ছবিখন প্ৰযোজনা কৰিছিল অমলেন্দু বাগচীয়ে। চিত্ৰনাট্য আৰু সংলাপ ৰচনা কৰিছিল লক্ষ্যধৰ চৌধুৰীয়ে। সঙ্গীত পৰিচালক আছিল ব্ৰজেন বৰুৱা। ছবিখনত চাৰিটা গীত আছিল। এই চাৰিটা গীত চাৰিজন বেলেগ বেলেগ গীতিকাৰে ৰচনা কৰিছিল। তেওঁলোক আছিল- তফজ্জুল আলি , পদ্ম বৰকটকী, কেশৱ মহন্ত আৰু লক্ষ্যধৰ চৌধুৰী।^[1][2]

এই সামাজিক ছবিখনত ঘাইকৈ দেখুওৱা হৈছে যে মাহীমাক মাত্ৰেই বেয়া নহয় আৰু দেখুওৱা হৈছে সমাজৰ ওপৰত ফটিকাৰ কু-প্ৰভাৱ। ^[1]

প্ৰথমা পত্নীৰ বিয়োগৰ পিছত প্ৰদীপৰ ঘৰ নকৈ পোহৰাবলৈ দীপালীৰ প্ৰৱেশ ঘটিল। চাৰিমহীয়া কেঁচুৱা মণ্টিক দীপালীৰ হাতত গতাই প্ৰদীপ নিশ্চিত হ’ল। দীপালীয়েও নিজৰ সন্তানৰ দৰে মণ্টিক বুকুৰ মাজত সুমুৱাই ল’লে। ঘৰখনৰ সকলোৱে ন-বোৱাৰীৰ প্ৰশংসাত পঞ্চমুখ। কেইদিনমান পিছত দীপালীৰ কোলালৈ আহিল এজনী ছোৱালী- মাইনা।^[2]

মসৃণ গতিত গৈ থকা সংসাৰখনত কেনা লগালে বলেনে। নেফাত কেইবছৰমান ঠিকাদাৰী কৰি চহৰলৈ উভতি আহিছে প্ৰদীপৰ বন্ধু বলেন। বলেনৰ সংস্পৰ্শত প্ৰদীপে মদ আৰু জুৱাত হাত দিলে। ঘৰত অশান্তি আৰম্ভ হ’ল। জুৱা-মদৰ পইচা গোটাবলৈ ঘৰৰ দুই এপদ বস্তুও বিক্ৰী কৰা আৰম্ভ হৈ গ’ল। অৱস্থা এনেকুৱাহে হ’লগৈ যে দীপালীয়ে মাইনাক লৈ দেউতাৰ ঘৰলৈ গুছি যাবলৈ বাধ্য হৈ পৰিল। মাহীমাক বুলিয়ে প্ৰদীপে মণ্টিক নিবলৈ নিদিলে।^[2]

কিন্তু মণ্টি আৰু দীপালীয়ে ইজনে-সিজনক জানো এৰি থাকিব পাৰিলে? প্ৰদীপৰ হেজাৰ বাধা-ভাবুকিকো নেওচি মণ্টি বাৰে বাৰে দীপালীৰ ওচৰ পায়গৈ। অৱশেষত প্ৰদীপৰ সংশোধন হ’ল। মদ আৰু জুৱাৰ পৰা আঁতৰি অহাৰ শপত খালে। দীপালী মণ্টি-মাইনাক লৈ পুনৰ আপোন ঘৰলৈ উভতি আহিল।

সংগীত পৰিচালনা ব্ৰজেন বৰুৱাৰ। তেওঁক সহযোগ কৰিছে ৰমেন বৰুৱাই। চাৰিজন ভিন্ন ভিন্ন গীতিকাৰে ছবিখনৰ বাবে চাৰিটা গীত লিখিছে। এইখন ছবিৰ বাবেই পদ্ম বৰকটকীয়ে প্ৰখমবাৰৰ বাবে চলচ্চিত্ৰীয় গীত ৰচনা কৰে।^[2][3]

• ইউটিউৱত আমাৰ ঘৰ

প্ৰ • আ • স অসমীয়া চলচ্চিত্ৰ দশক ১৯৩০ ১৯৪০ ১৯৫০ ১৯৬০ ১৯৭০ ১৯৮০ ১৯৯০ ২০০০ ২০১০ ২০২০ চলচ্চিত্ৰ পৰিচালক জ্যোতিপ্ৰসাদ আগৰৱালা পাৰ্ৱতি প্ৰসাদ বৰুৱা ফণী শৰ্মা ভূপেন হাজৰিকা কমল নাৰায়ণ চৌধুৰী সুপ্ৰভা দেৱী ভবেন্দ্ৰ নাথ শইকীয়া জাহ্নু বৰুৱা নিপ বৰুৱা মুনিন বৰুৱা ব্ৰজেন বৰুৱা পদুম বৰুৱা দ্বিবন বৰুৱা আব্দুল মজিদ পুলক গগৈ শিৱপ্ৰসাদ ঠাকুৰ সমৰেন্দ্ৰ নাৰায়ণ দেৱ অতুল বৰদলৈ জুবিন গাৰ্গ বিতং তালিকা… সঙ্গীত পৰিচালক ভূপেন হাজৰিকা ব্ৰজেন বৰুৱা ৰমেন বৰুৱা জয়ন্ত হাজৰিকা দ্বিবন বৰুৱা খগেন মহন্ত জুবিন গাৰ্গ বিতং তালিকা… অভিনেতা বিষ্ণুপ্ৰসাদ ৰাভা ফণী শৰ্মা ব্ৰজনাথ শৰ্মা নিপন গোস্বামী বিজু ফুকন যতীন বৰা তপন দাস বিতং তালিকা… অভিনেত্ৰী আইদেউ সন্দিকৈ মলয়া গোস্বামী প্ৰস্তুতি পৰাশৰ জেৰিফা ৱাহিদ চেতনা দাস বিতং তালিকা… অন্য বিষয় অসমীয়া ভাষাৰ শ্ৰেষ্ঠ ছবিৰ ৰাষ্ট্ৰীয় বঁটা ৰাজ্যিক চলচ্চিত্ৰ বঁটা জ্যোতি চিত্ৰবন অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিত চলচ্চিত্ৰ আৰু দূৰদৰ্শন প্ৰতিষ্ঠান শ্ৰেণী ৱিকি কমন্স