يا انسان الحرية يا اللى مليتى حياتنا

يا فرحة رايحة و جاية بالحب فوق جنتنا

و لا حلاوة المية ف الصحرا للعطشان

حلاوة الحرية لشعب شاف حرمان

من فرحتنا بحريتنا اللى بصبر سنين نولناها

عايزين نورها ، عايزين خيرها يسعد كل بلد ناقصاها

إحنا سلام و محبة لكل شعب حبيب

عايشين حياتنا أحبة للناس بعيد و قريب

نرسم إحنا طريقنا بروحنا زى صالحنا و زى هوانا

لا يودينا و لا يعود بينا رأى غريب من بره حمانا

وطن العروبة وطنا و الخير بحاله فيه

رجع مصيره لإيدنا و إحنا اللى راح نبنيه

من زراعتنا تقوم صناعتنا و الخير يبقى خيرين فى إيدينا

و بمدافعنا بين مصانعنا نحرس حرية أراضينا