شاديه: يا سلام علا حبى و حبك وعد و مكتوب لى احبك

ولا نامش الليل من حبك يا سلام علا حبى و حبك

.....

فريد: يا سلام علا حبى و حبك دا ماكان علا بالى احبك

ولا نامش الليل من حبك ياسلام علا حبى و حبك يا سلام علا حبى و حبك

.....

شاديه: يا حبيبى هواك جننى و الشوق ملانى جراح

و حياتك تبعد عنى و تسيبنى عشان ارتاح

.....

فريد: و انا يعنى ماسك فيكى ؟ ماهو قلبى المشغول بيكى

.....

شاديه: حبك سهرنى

فريد: انا زيك برضه

شاديه: ربى يصبرنى

فريد: ايوه انا فى عرضه

.....

شاديه: اعذرنى لانى باحبك مابنامش الليل من حبك

يا سلام علا حبى و حبك وعد و مكتوب لى احبك يا سلام علا حبى و حبك

.....

فريد: مش ممكن اعيش من بعدك دا خيالك جنبى ليلاتى

و باقول لو ربنا ياخدك كنت اعمل ايه يا حياتى

.....

شاديه: انشالله انتا يا حبيبى يا هنايا و كل نصيبى

هاولّع فى روحى يا قلبى و عينيا

فريد: لأ اوعى يا روحى دا واجب عليا

.....

شاديه: من ساعة قلبى ما حبك ما بنامش الليل من حبك يا سلام علا حبى و حبك

حبيتنى صحيح ؟

فريد: اومال

شاديه: اتارينى بقيت فرحانه

فريد: عقبال كل العزال يتهنو زى هنانا

شاديه: شوف وشّـى اصفـرّ ازاى من حبك

فريد: شوفى جفنى احمـرّ ازاى من حبك

شاديه: هتعيش يا روحى معايا د انتا حياتى ف دنيتى

كفايه حب كفايه احسن يضر صحتى

.....

شاديه و فريد :

يا سلام علا حبى و حبك ما بنامش الليل من حبك

يا سلام علا حبى و حبك

وعد و مكتوب لى احبك

يا سلام علا حبى و حبك