مصطفى كامل
(بالمصرى: مصطفى كامل)
معلومات شخصيه
الميلاد	14 اغسطس 1874 [1][2][3]  القاهره [4]
الوفاة	10 فبراير 1908 (34 سنة)[1][2][3]  القاهره [4]
سبب الوفاة	سل
مواطنه	خديويه مصر
الحياه العمليه
المدرسه الام	جامعة تولوز
المهنه	سياسى ،  وصحفى ،  وكاتب ،  ومحامى
الحزب	حزب الوطن
اللغات المحكيه او المكتوبه	اللغه المصريه الحديثه ،  ولغه فرنساوى
اتأثر بـ	جمال الدين الافغانى
تعديل مصدري - تعديل

مصطفى كامل ( القاهره ، 14 اغسطس 1874 - القاهره ، 10 فبراير 1908 ) ، سياسى و خطيب و ثاير وطنى مصرى. اتولد فى القاهره و ابوه " على محمد " كان فى الجيش المصرى دخل تلت مدارس ابتدائى و بعدين دخل المدرسه الخديويه الثانويه و اسس فيها جماعه ادبيه وطنيه وجرّب الخطابه و بعد ما خلص الثانوى دخل مدرسة الحقوق سنة 1891 و اتمكن من الفرنساوى و انضم لجمعتين وطنيتين ، و اتعرف علا شخصيات وطنيه و ادبيه زى اسماعيل صبرى و خليل مطران و بشاره تقلا صاحب جورنان الاهرام و فى سنة 1893 سافر فرنسا عشان يدرس الحقوق و دخل مدرسة الحقوق فى " تولوز "، واتخرج منها و لما رجع مصر رفض انه يشتغل فى وظيفه حكوميه عشان يقدر يتفرغ لقضية استقلال مصر و عشان ما يبقاش خاضع لسلطات الاحتلال الانجليزى. بعته الخديوى عباس حلمى التانى فرنسا و اوروبا سنة 1895 عشان يعرض القضيه المصريه و احتلال الانجليز لمصر و مهاجمة سياسة لورد كرومر المندوب السامى البريطانى فى مصر. طاف فى عواصم اوروبا لعرض قضية استقلال مصر و نشر فى الجرانين الفرنساويه مقالات بتندد باحتلال الانجليز لمصر و سافر انجلترا و ندد باحكام حادثة دنشواى اللى ارتكبها الانجليز فى مصر. كان رأيه ان أهم قضيه مصريه فى وقته هى جلاء الاحتلال البريطانى عن مصر و ان موضوعات تانيه زى الحياه البرلمانيه و علاقة مصر مع تركيا و غيرها ممكن تتأجل لغاية خروج الانجليز من مصر.

أصدر جورنان " اللواء " سنة 1900 ، و اللواء بالفرنساوى و الانجليزى و اشتغل مع الخديوى عباس حلمى التانى و احمد لطفى السيد وعمل جمعيه وطنيه سريه عشان يعارض الاحتلال الانجليزى ، و كون الحزب الوطنى المصرى سنة 1907 ، و قاد مع واحد غنى مصرى معاه فلوس اسمه مصطفى كامل الغمراوى حمله للاكتتاب عشان يلمو فلوس لتأسيس جامعه اهليه مصريه وهى الجامعه اللى اتسمت جامعة فؤاد الاول و اتغير اسمها وبقت دلوقتى جامعة القاهره.

بسبب الجهد الكبير اللى كان بيعمله للدفاع عن حقوق مصر ،ضعفت صحته و مات و هو لسه شاب صغير عنده 34 سنه و حزن عليه المصريين . جه بعده زميله محمد فريد فى رياسة الحزب الوطنى المصرى.

مصطفى كامل هو صاحب جملة " بلادى بلادى لكى حبى و فؤادى " اللى بقت السلام الوطنى المصرى دلوقتى.

من اشهر اقواله :

" البلد اللى مش بتأكل من زرعها و تلبس من غزلها و نسجها بلد محكوم عليها بالتبعيه "

" لو ما كنتش مصرى كنت احب اكون مصرى "

" لا حباه مع اليأس و لا يأس مع الحياه "

" بلادى بلادى لكى حبى و فؤادى "

• ماهر حسن، المصرى اليوم ، مؤسسة المصرى اليوم للصحافه و النشر ، عدد 2068 ، 10 فبراير 2010.
• لا يأس مع الحياه ولا حياه مع اليأس، المصرى اليوم عدد 2068 ، 10 فبراير 2010.
• الموسوعه الثقافيه ، مؤسسة فرانكلين للطباعه و النشر، القاهره - نيو يورك 1972