مدارس العالم المتحده دى عباره عن شبكه عالميه من تمنتاشر مدرسه على اربع قارات بيدرس فيها الطلاب بنظام اسمه البكالوريا الدولية المعادل لنظام الثانويه.
المنظمة اتعملت تحت راية "استخدام التعليم كقوة لتوحيد الناس و الدول و الثقافات عشان نضمن مستقبل زاهر".
الحركة دى اتأسست على تعاليم التربوى الالمانى كيرت هان فى سنة 1962 عشان تنشر التفاهم الدولى و تقبل الاخر و حب الاختلاف, مجموعة المدارس دى بتعتبر اكبر شبكة مدارس ثانويه فى العالم موفره للمنح و اكتر من 80% من الطلاب بياخدو منح دراسية و دعم مادى.
الرئيس الحالى بتاع شبكة المدارس دى هى ملكة الاردن نور الحسين من سنة 1995 و كان قبلها المناضل الجنوب افريقى نيلسون مانديلا
.svg){kind=icon}
