ماتيلده عبد المسيح (..-1926) استاذة البيانو و من اول عازفات البيانو فى مصر و اول مصريه تعزف البيانو على القواعد الشرقيه و كمان كتير من القطع اللى لحنتها و ليها انتاج غزير فى اواخر القرن التسعتاشر و اول القرن العشرين ,حطت لحن للسلام الوطنى المصرى, و نشيد مخصوص للملك فؤاد كنوع من المدح غنته وقتها الفنانه حبيبه مسيكه, كمان لحنت مارشال استقبال الزعيم سعد باشا زغلول بعد رجوعه من المنفى اللى بتقول مقدمته يا طالع السعد افرحلى و كمان لحنت مارشال افتتاح البرلمان المصرى و افراح القبه.
"ماتيلده عبد المسيح" هيا اول واحده حطت لحن نشيد لملك مصر.[1]
قضت “ماتيلده عبد المسيح” خمسه و عشرين سنه تعلم الاجيال فن عزف البيانو, و ذكر عنها الملحن هانى شنوده انها كانت بتروح الارياف تعلم فن البيانو لاولاد العمد و البشاوات.
وفاتها
اتوفت “ماتيلده” فى عشرينات القرن الماضى بعد فتره مرض طويله, سابت تراث فنى و مزيكا غزير و مهم.
من تاليفها وتدوينها
السلام الوطنى المصرى - نغمه جهاركاه
مارش سعد باشا- نغمه جرك
مارش حرم الرئيس الجليل صاحب المعالى سعد باشا - نغمه جرك
.svg)
.svg)
