اتولدت ليندى إنجلاند يوم 8 نوفمبر 1982 فى مدينة اشلاند فى ولاية كنتاكى الامريكية ، وفى سنة 1999 وهى لسه فى دراستها الثانوية انضمت لوحدة الجيش الأمريكى الإحتياطية فى مدينة كمبرلاند فى ولاية ماريلاند . وفى سنة 2001 خلصت دراستها الثانوية واشتغلت عاملة فى مصنع لتجميد الفراخ ، وفى سنة 2002 اتجوزت چيمس إل فايك اللى كان زميلها فى المصنع لكن اتطلقت منه بعد فترة قصيرة .
فى شهر يونيه 2003 تم استدعاء ليندى إنجلاند للسفر مع القوات الامريكية اللى احتلت العراق و كانت فى وحدة البوليس العسكرية 372 . وهناك اتعرفت على رئيسها فى الوحدة تشارلز جارنر (Charles Graner) ومارست معاه الجنس جوه المعسكر الخاص بالوحدة وخلفت منه ولد اسمه كارتر الان إنجلاند يوم 11 اكتوبر 2004 .
فى سنة 2005 اتقدمت ليندى إنجلاند هى وعشيقها تشارلز جارنر للمحاكمة بعدما اشتركوا مع بعض ومع زمايلهم من افراد الجيش الأمريكى فى تعذيب المساجين العراقيين فى سجن ابو غريب الموجود فى بغداد عاصمة العراق ، واتحكم على تشارلز جارنر بالسجن لمدة 10 سنين ، اما هى فاتحكم عليها بالسجن لمدة 11 سنة لكن قضت فى السجن 3 سنين بس وخرجت منه فى شهر سبتمبر 2008 .
.svg)
