بتبكى يا عين على الغايبين و دمعك عالخدود سطرين

بسطر تقولي راحوا فين وسطر تقولي ليه ناسيين

كفاية يا عين

بتبكي عا الـــلي راح منك و من امتي اللي راح بيعود

يا خـــــوفي يدبــــلك حزنك ماتلقـــيش للدموع دي خدود

خدود زاهية طــفيتيها ودبلتي الحياة فيها

و يا ريت اللي راحوا راحوا وجايين بتبكي ليه على الغايبين

بسطر تقولي راحوا فين وسطر تقولي ليه ناسيين

كفاية يا عين

يا عين شفتي و حبيتي و قلتي لقلبي ميل و اعشق

طاوعتك لما خليتي خيالي عمره مايصدق

بان اللي هواه قلبي حينساني و يغدر بي

و آديه نسيني و راح يا عين بتبكى يا عين على الغايبين

بسطر تقولي راحوا فين وسطر تقولي ليه ناسيين

كفاية يا عين

بتبكي عالي هجروكي و خانوا العشرة و فاتوكي

ودول لو كانوا حبوكي ما كانوا في يوم يبكوكي

يا عين بيعي اللي باعوكي يا عين انسي اللي نسيوكي

و يكفاكي بكا يا عين بتبكي ليه على الغايبين

بسطر تقولي راحوا فين وسطر تقولي ليه ناسيين

كفاية يا عين