عمرو طلبهجاسوسمصرى زرعته المخابرات العامه المصريه فى اسرائيل سنة 1969 فى الفتره اللى اتعرفت بحرب الاستنزاف كان معروف للمخابرات المصريه برقم كودى هو 1001 و كان متخرج من الكليه الحربيه . فضل جاسوس نشيط و بعت معلومات عسكريه مهمه لمصر لحد ما بدت حرب اكتوبر.عمرو طلبه راح اسرئيل بصفته يهودى مصرى اسمه موشى زكى رافى. دخل الجيش فى اسرائيل كضابط اتصالات و بعتوه الاسرائليين على خط بارليف ف سينا اللى كانت محتلاها من ايام حرب 67.استشهد و هو بيأدى خدمه لوطنه برصاص مصرى بالغلط و هو فى موقعه على الجبهة الاسرائيليه بعد ما مراضش يسيب موقعه -زى ما الاوامر جتله من مصر عشان ضرب الطيران المصرى للمكان اللى هو فيه- و فضل يبعت معلومات عسكريه لبلده, رجعت جثته لمصر و ااترقا لرتبة رائد. اتعملت قصة حياته مسلسل بنفس الرقم الكودى بتاعه 1001 و اتسمى المسلسل العميل 1001 و كان بطولة الممثل المصرى مصطفى شعبان.
