شريهان احمد عبد الفتاح المشهوره بالاسم الفنى شريهان Sherihan و هيا ممثله و راقصه استعراضيه مصريه, ابتدت حياتها الفنيه و هيا عندها اربع سنين و اشتغلت فى المسرح و السينما و التلفزيون.
حياتها
شريهان اتولدت فى القاهره فى (6 ديسمبر 1964 [2]), جوز أمها هوا رجل الاعمال السعودى «احمد عبد الفتاح الشلقانى» و شريهان صرحت أكتر من مره إنه هو اللى كتبها بإسمه لما اتولدت, أما أخوها البيولوجى من أبوها الحقيقى هوا عازف الجيتار المشهور عمر خورشيد,[2] و هيا حاليا متجوزه من رجل الأعمال الأردنى «علاء الخواجه» و خلفت بنتين و هما لولوه و تاليه.[3][4]
حياتها الفنيه
ابدعت شريهان من صغرها فى المسرح المصرى الكوميدى و الاستعراضى و اشهرهم مسرحيات (سك على بناتك) و (علشان خاطر عيونك) قدام العملاق فؤاد المهندس, و مسرحيه (شارع محمد على) قدام فريد شوقى. مثلت كمان فى السينما فى كتير من الافلام المصريه المهمه زى (الطوق و الاسوره) و (المرأه و القانون) و (فضيحه العمر) و (عرق البلح) و (ميت فل) و (الحب و الرعب) و(خلى بالك من عقلك) و غيرها كتير, وب النسبه للدراما التليفزيونيه قدمت شريهان ادوار مهمه كتير منها (دمى و دموعى و ابتسامتى), و اما اكتر حاجه بتميزها فى التليفزيزن هيا الفوازير فكانت النجمه الأولى فى الفوازير فى مصر و المنطقه كلها مع الفنانه نيللى. شريهان بطلت تمثيل فتره كبيره بعد اصابتها بمرض السرطان.[5] مع نهايه 2018 و بدايه 2019 المنتج المصرى مدحت العدل فاجئ الجمهور بإن شريهان راجعه تانى للتمثيل و عمل مسرحيات و استعراضات.
أعمالها
من الأفلام
فى التلفزيون
فى المسرح
فوازير الرمضانيه
- 1994: حاجات ومحتاجات.
- 1988: الف ليله وليله " فاطيما وحاليما وكاريما".
- 1987: فوازير حول العالم.
- 1986: فوازير الف ليله وليله "وردشان".
- 1985: فوازير الف ليله وليله " عروسه البحور".
مصادر
