محمد سيف الدين اسماعيل محمد وانلي فنان تشكيلى مصرى من مواليد اسكندرية فى 31 مارس سنة 1906، وتوفى فى ستوكهولم فى 15 فبراير سنة 1979. عمل استاذ لفن التصوير الزيتى فى كلية الفنون الجميلة باسكندرية عند انشائها صيف 1957 ومستشار فنى بقصور الثقافة بالاسكندرية.كمان كان رئيس للجمعية الاهلية للفنون الجميلة ،قطاع الفنون التشكيلية .وبيعتبر هو و أخوه الأصغر ادهم وانلى من اشهر الفنانين التشكيليين فى مصر. و كان مرسمهما مزار للفنانين والمثقفين لأكتر من 40 سنه لحد بعد وفاة أدهم واستمرار سيف فى مسيرته الفنية. ولهما متحف باسميهما فى مجمع متاحف محمود سعيد باسكندرية.
دراسة الفن
درس الفن فى مدرسة حسن كامل سنة 1929 واللى اتسمت بعدين الجمعية الاهلية للفنون الجميلة باسكندرية و كان هو و أخوه الأصغر ادهم وانلى اول تلميذين ينتظمان فى مرسم الفنان اتورينو بيكى (Bicchi) يوم افتتاحه فى 9 اكتوبر سنة 1930،وبعد رحيل بيكى افتتحا مرسما خاصا لتعليم الرسم فى 18 يونيه 1935
من اعماله الفنية
له اعمال بالنادى الأوليمبى بالاسكندرية، و محافظة الدقهلية، وفندق كليوباترا بالقاهرة، وفندق شيراتون بالقاهرة، فندق البوريفاج بالاسكندرية، ووزارة الخارجية الايطالية بروما ومحطة الركاب بميناء الاسكندرية. كمان صمم الكثير من ديكورات المسرح زى مسرحية شهرزاد و أوبريت بلياتش كارمن
له الاف اللوحات بألوان الزيت والجواش والفحم وبمواد اخرى صور فيهاالكنائس والشوارع والقهاوى والحدائق وسباق الخيل والسيرك والألعاب الرياضية والمنتديات العامة والحياة الفنية اللى مرت فى مدينة اسكندرية.
جوايز
- الجايزة الكبرى فى بينالى اسكندرية سنة 1959
- جايزة الدولة التقديرية سنة 1973
- الدكتوراه الفخرية من أكاديمية الفنون فى اكتوبر 1977
وصلات برانيه
مصادر
