راجل و ست ستات مسلسل مصرى كوميدى من نوعيه مسلسلات الست كوم انتاج سنة 2006 و اتعمل منه تمن اجزاء, بطولة اشرف عبد الباقى, لقاء الخميسى, سامح حسين, مها ابو عوف , انتصار, زيزى مصطفى (اللى استبدلت فى الجزء التالت بانعام الجريتلى) و منه عرفه و نيڤين محمد.
المسلسل اخراج المخرج اللبنانى اسد فولادكار. المسلسل دخل نوعية المسلسلات السيت كوم لمصر و عملها ليها شعبيه عند الجمهور مع مسلسل تامر و شوقيه و اللى كان اسمه قبل التصوير ديك البرابر و استبدل لانه شبه فيلم مشهور بنفس الاسم .المسلسل بيظهر مع الشخصيات الرئيسيه للمسلسل, ضيوف شرف فى الحلقات و شخصيات ثانويه.
الحكايه
المسلسل بيدور حولين رب اسره اسمه عادل سعيد (اشرف عبد الباقى) اللى بيحاول يعيش حياه عاديه وسط ضغوط الحياه فى مصر مع زوجته رانيا (لقاء الخميسى) و بنته ياسمين (منه عرفه) و بيشاركهم فى العيش امه انعام ( زيزى مصطفى/احلام الجريتلى) بعد ما طلقها ابوه و اخته سناء (انتصار) و اللى اتطلقت هيا كمان و حماته (مها ابو عوف) و اخت مراته نجلاء (نيڤين محمد) بعدما خسرو شقتهم و كل اموالهم بعد ما مات حماه بسبب ديون كتيره , بيعيشو معاه فتره بسيطه مؤقته بس اتحولت الفتره المؤقته لفتره طويله. عادل سعيد بيعيش مع ست ستات و بيعانى من المشاكل اللى بتحصل دايما ما بينهم و احتياجاتهم اللى ما بتنتهيش, كمان بيعانى من ابن عمه الغبى رمزى (سامح حسين) اللى جيه من (البلد) عشان يكون نفسه و يعمل معه فى (البزار) و دايما بيسبب ليه المشاكل و الخساره فى الاموال بسبب غبائه.
الشخصيات الرئيسية
لينكات
مصادر
لم يتم العثور على روابط لمواقع التواصل الاجتماعي.
