صدور الدستور الاسبانى سنة 1978 هو قمة انتقال اسبانيا للديمقراطية و الدستور الاسبانى صدق عليه الاستفتاء الشعبى يوم 6 ديسمبر سنة 1978 و صدر بتاريخ 29 ديسمبر نفس السنه.
تاريخ
التاريخ الدستورى لاسبانيا يرجع تاريخه لدستور 1812. . بعد وفاة فرانسيسكو فرانكو سنة 1975 الملك خوان كارلوس المعروف بشخصيته القويه شال كارلوس ارياس نافارو و عين المصلح أدولفو سواريز رئيس للحكومة و عمل انتخابات عامه سنة 1977 ,بعدها اجتمع البرلمان الاسبانى ، بصفته جمعية دستورية علشان أقرار دستور سنة 1978. و نتيجة لده اسبانيا بفضل دستورها دلوقتى بتتكون من 17 من الأقاليم المتمتعة بالحكم الذاتى و اتنين من مدن الحكم الذاتى بدرجات متفاوتة من الاستقلال الذاتى.
الحكومة
نظام اسبانيا هو نظام ملكى دستورى ، وراثى من ملك و برلمان من مجلسين ، والمحاكم العامة. السلطة التنفيذية تتكون من مجلس الوزراء برئاسة رئيس الحكومة (مماثل لرئيس وزراء) يقترحه الملك و تنتخبه الجمعية الوطنية بعد الانتخابات التشريعية.
السلطة التشريعية تتكون من مجلس النواب 350 عضو ينتخبو فى اقتراع شعبى على قوائم تمثيل نسبى لخدمة اربع سنين ، ومجلس الشيوخ 259 عضو, 208 يتم انتخابهم بشكل مباشر عن طريق التصويت الشعبى، و 51 معينين من الهيئات التشريعية الاقليمية لأربع سنين.
- رئيس الدولة
- رئيس الحكومة
- مجلس الوزراء
- مجلس الوزراء الإسبانى يعينه رئيس الحكومة.
امة اسبانيا تتألف من الناحية التنظيمية فى شكل ( "دولة مجتمعات متمتعة بالحكم الذاتى") هى واحدة من اكثر البلاد اللى الحكم فيها مش مركز ف العاصمه ف اوروبا زيها زى سويسرا و المانيا و بلجيكا .[2]
مثلا ، فى كل مناطق الحكم الذاتى المجتمعات المحلية ليها برلمانات منتخبة ، و حكومات ، و ادارات عامة ، و ميزانيات ، وموارد ، ولده النظم الصحية والتعليمية و غيرهاالتى يتم ادارتها من الإقليم نفسه.
التقسيمات الإدارية
اسبانيا سياسيا متنظمه فى 17 من الأقاليم المتمتعة بالحكم الذاتى (comunidades Autónomas) و 2 من مدن الحكم الذاتى (ciudades Autónomas) -- ثويتا و ميلييا.
سبعة من المجتمعات المستقلة تتكون كل واحده منهم من محافظه واحده : استورياس ، و جزر الباليار ، كانتابريا ، لاريوخا ,مدريد و مورسيا و نافارا.
العلاقات الخارجية
بعد رجوع الديموقراطية بعد وفاة فرانكو فى 1975 ، و أولويات السياسة الخارجية لاسبانيا للخروج من العزلة الدبلوماسية و توسيع العلاقات الدبلوماسية و الدخول فى الجماعة الأوروبية ، وتحديد العلاقات الامنية مع الغرب. بصفتها عضو فى حلف شمال الاطلنطى من 1982 أثبتت اسبانيا انها من ابرز المشاركين فى الأنشطة متعددة الأطراف بخصوص الامن الدولى.
- اراضى بتطالب بيها اسبانيا
فيه نزاع إقليمى مع المملكة المتحدة على منطقة جبل طارق ، 6 كيلومتر مربع من أقاليم ما بعد البحار تبع المملكة المتحدة . منطقة جبل طارق جزء من جنوب شبه الجزيرة الايبيرية غزته بريطانيا فى سنة 1704 خلال حرب الوراثة الاسبانية كمان غزت مينوركا و اتخلت عنها فى النهاية لاسبانيا فى 1802 حسب معاهدة اميان.
الوضع القانونى لجبل طارق فى سنة 1713 تمت تسويته بمعاهدة أوتريخت ، و اتخلت عنه اسبانيا للأبد لأراضى التاج البريطاني
- اراضى اسبانية بتطالب بيها بلاد تانيه
المغرب بتطالب بالمدينتين السليبتين سبتة و مليلية.
مصادر
