طول ما أملى معايا معايا .. و ف إيديا سلاح.

هافضل أجاهد و أمشى و أمشى من كفاح لكفاح.

و طول ما إيدى فى إيدك أقوم واقف و أهتف و أقول.

حى حى على الفلاح. حى حى حى على الفلاح.

ـ***

دارى .. يا دارى .. أنا أحميكى بإيماني

طول ما دراعى معايا .. أبنى و أعلى بنياني

هافضل عايش فيها .. بجهدى و أملى أبنيها

أنا روحى فداها .. و فدا أهلى و أوطاني

ـ***

زاحف يا شعبى .. تِمحِى الماضى رياحك

عهدك جوّه فى قلبى .. و البطولة جراحك

أيامنا اللى جايّة .. و إرادتنا القويّة

تنصرنا يا وطنى .. و يملا الدنيا صباحك

ـ***

نمشى و نمشى .. و العزة تعيش ويّانا

لأ .. إحنا ما نرجعشى و لا تتراجع خُطانا

تهتف أراضينا لنا و النصر ينادينا

ياللا بينا ياللا و ربنا معانا