برنامج البرنامج برنامج مصرى ساخر بيتعرض كل اسبوع يوم الجمعة ، بيقدمه باسم يوسف على قناة سى بى سى من اول 23 نوفمبر 2012 ، الموسم الاول من البرنامج اتعرض على قناة اون تى ڤى فى رمضان 2011 ، قبل ما يتنقل لCBC عشان يبقى اول برنامج ساخر بحضور الجمهور فى مصر ، و بيعرض و بيتصور فى مسرح سينما راديو كل يوم الاربع ، و بيتعرض على التلفيزيون يوم الجمعة الساعة 10:00, من 7 فبراير 2014 نقل البرنامج لقناة ام بى سى مصر, برنامج البرنامج بيعتبر النسخة المصرية من برنامج ذا دايلى شو اللى بيقدمه جون ستيوارت
البداية
بعد ما اتشهر باسم يوسف على النت و اليوتيوب بسبب برنامجه B+ Bassem Youssef Show ، قنوات كتيره طلبت منه يقدم برنامج فيها ، و كان اشترط ان ادارة القنوات متتدخلش فى برنامجه. فى الاخر عمل برنامج البرنامج فى قناة اون تى فى قبل ما يتنقل لCBC فى الموسم التانى.
شوف كمان
