انتى فاكرانى وللا نسيانى اغنيه مصريه الفها احمد رامى و لحنها محمد القصبجى و غنتها ام كلثوم

انتى فاكرنى وللا نسيانى

ياللى ظلمانى ياللى هجرانى

انتى فاكرانى وللا نسيانى

.....

الحنين فاض بيا و البعاد طول

و الهوا فى قلبى زاد عن الاول

اوعى تفتكرى قلبى اتحول

ياللى ظلمانى ياللى هجرانى

انتى فاكرانى وللا نسيانى

.....

امتا يتمتع بالوصال قلبى

و الزمان يسمح بالهنا فى حبى

دا الفراق قاسى والشجن زاد بيا

ياللى ظلمانى ياللى هجرانى

انتى فاكرانى وللا نسيانى .....

طال عليا الليل اشتكى وجدى

زاد عليا الويل فى السهر وحدى

و انتى ليه ترضى بالهوا فى بعدى

ياللى ظلمانى ياللى هجرانى

انتى فكرانى وللا نسيانى

.....

ارحمى قلبى و اسألى عنى

الغرام ذله و اشتكا منى

امتا تصفى لى و ابقا متهنى

ياللى ظلمانى ياللى هجرانى

انتى فاكرانى وللا نسيانى