انا لواحظ مين ادى

الورد فتح علا خدى

من حبى ياما قامت قيامه

من حبى ياما قامت قيامه

و قلوب و دابت علا يدى

انا لواحظ يا وله

افهم و لاحظ يا وله

يا وله يا وله يا وله انا انا لواحظ

احب و اهجر علا كيفى و احيرك

و ابعت فى نص الليل طيفى يسهرك

النظره كلام من عينى و رمشها

و الضحكه سلام تسلم بعدها

يبقا يا ويلك يا وله

ما تنامش ليلك يا وله

يا وله يا وله يا وله انا انا لواحظ

زهرة شبابى اللى يشوفها تفرحه

و ان قال له عقله يقطفها هتجرحه

انا لما بفوت و تدق خطوتى

الناس بتموت و تحيا بنظرتى

و يقولو مالها يا وله

سايقه دلالها يا وله

يا وله يا وله يا وله انا انا لواحظ

الحلو قبل ما يخطفنى انا اخطفه

و الهم عمره ما يعرفنى ولا اعرفه

كترو السكان عشانى فى حينا

اشكال و الوان من هنا و من هنا

اسأل عليا يا وله

انا مش شويه يا وله

يا وله يا وله يا وله انا انا لواحظ