أروى بنت حرب بن امية بن عبد شمس بن عبد مناف بن قصى بن كلاب بن مرة بن كعب بن لؤى بن غالب بن فهر
مامتها :صفية بنت حزن بن بجير بن الهزم بن رويبة بن سبيع بن عامر بن كعب بن عامر بن صعصعه بن معاوية بن بكر بن هوازن .
حياتها
اتولدت سنة 53 قبل الهجرة ، فى مكه .
اتجوزت (على بن جبير التغلبي) و خلفت منه ابنها البكر (جميل) و طلقها بعد مافتحت دماغه بكازوزه .
والحكايه قالتها هند بنت عتبة :
«
حدث بينها وبينه خلاف بسبب المال ، كانت تتهمة بالتبذير ! فقال ليها : انت شحيحه ، فشجت رأسة بقارورة من زجاج ، لحد سال الدم على وجهه ، فقال ليها ده فراق بيننا
»
بعده كده اتجوزت عبدالعزى بن عبدالمطلب (ابولهب) و خلفت منه : معتب و عتبه و عتيبه و دره .
وهما كانو جيران محمد فى مكه ، و ولادها عتبه وعتيبه متجوزين ام كلثوم و رقيه بنات محمد .
عداوتها لمحمد
بعد البعثه النبويه ، ابتدت عداوتها لمحمد ، و اتلمت على حزب اعداء محمد المكون من جوزها ابولهب و اخوها ابوسفيان و ابن خالتها خالد بن الوليد .
و اول حاجه عملتها طلبت من ولادها الاتنين يطلقو رقيه و ام كلثوم ، وقالت ليهم : "رأسى برأسيكما حرام ان لم تطلقا بنتى محمد” .
نزلت فيها ايتين من سورة المسد (وامرأته حمالة الحطب * فى جيدها حبل من مسد)
وده بعد ما شافت واحد من (البدو) ماشى فى الطريق و شايل على ضهره حطب ، قامت موقفاه وواخده منه الحطب ورمياه على باب بيت محمد .
عبدالله بن مسعود قال : " أخذت الحطب منى و القته على باب رسول الله حطبة حطبه "
موتها
ماتت سنة 7 هجرى ، بسبب مرض الرئه و كان عندها 60 سنه .
