القانون المسماري هو كل المدونات القانونية المكتوبه بالخط المسمارى، واللى تم تطويرها واستخدامها فى كل اماكن الشرق الوسطانى القديم بين السومريين والبابليين والآشوريين والعيلاميين والحوريين والكيشيين والحثيين.[1] تعتبر شريعة حمورابى هيا أشهر القوانين المكتوبه بالمسماريه، لكن كان فيه عدد من القوانين السابقة.[1]
بيصنف القانون المسمارى بشكل منفصل عن قانون الشرق الوسطانى اللاحق[2]، لكن يُنظر ليه على أنه سابق للقانون التوراتىواليهودى. كانت مجتمعات الشرق الوسطانى اللى استخدمت القانون المسمارى بشكل عام على اتصال ببعضها ، وطوّرت ثقافات مماثلة. الأكادية، هيا لغة مسمارين ، كانت تستخدم فى كل اماكن المنطقه، وحتى فى مصر بسبب الاتصالات الدبلوماسية فى فترة العمارنه..
جزء من نصوص اصلاحات أوركاجينا فى متحف اللوفر
تسلسل زمنى
سنة 2350 قبل الميلاد - اصلاحات أوركاجينا فى لكش - مش موجودة، لكن تمت الاشارة ليها فى مصادر تانيه.
سنة 2060 قبل الميلاد - قانون أورنمو (أو شولجى؟) فى أور - سلالة أور التالتة. و هو أقدم رمز تم اكتشاف أجزاء منه. وبيتكلم القانون عن السحر وهروب العبيد.
سنة 1934-1924 قبل الميلاد - قانون لبث عشتار فى ايسن - مع خاتمة ومقدمة نموذجية، يتعامل القانون مع العقوبات، وحقوق الناس العاديين، وحق الملوك، والجواز، وغير ذلك.
سنة 1800 قبل الميلاد - قوانين مدينة اشنونا (تُنسب أحيان لالملك بلالاما)
سنة 1758 قبل الميلاد - قانون حمورابى - و هو أشهر القوانين القديمة و أكثرها حفظاً. تم اكتشافه فى ديسمبر 1901، وفيه اكتر من 282 فقرة نصية، لا تحتوى المقدمة والخاتمة.
