العدوان الثلاثى او ازمة السويس دا اسم الحرب اللى قامت ما بين مصر من جهة و ما بين بريطانيا و فرنسا و اسرائيل فى سنة 1956. و كانت اسبابها تاميم جمال عبد الناصرلقناة السويس و دعم مصر لثوره الجزائر اللى كانت ضد فرنسا.وهذه الحرب تعرف ايضا بحرب 1956 و ازمة السويس.
اسباب الحرب
الحرب قامت لكذا سبب من ضمنهم :
تاميم جمال عبد الناصرلقناة السويس و الذى حصل فى يوم 26 يوليه 1956 ودا اللى منع الانجليز و الفرنساويين و غيرهم من الربح من القناة اللى كانو يريدونها و يتحكموا فيها, التاميم حصل بعد سحب عرض من بريطانيا و امريكا لتمويل بناء السد العالى فى اسوان كرد على اعتراف مصر بجمهورية الصين الشعبية خلال ارتفاع حدة التوتر بين الصين و تايوان .[1]
توقيع مصر اتفاقيه سلاح مع الاتحاد السوفييتى , واللى كان بيزود جيش مصر باسلحه متطوره عشان يحارب اسرائيل بعد ما رفضت اغلب الدول الكبيره بقيادة امريكا بيع الاسلحه لمصر.
دعم مصر و مساعدتها للثوار الجزائريين اللى كانو عاملين ثوره على الفرنساويين و بيطالبوا باستقلال الجزاير من فرنسا
اسرائيل كانت عايزه تامن نفسها من مصر و تتوسع.
خدعة الحرب
الحرب دى اتعملت فيها خدعه كبيره بعد اتفاقيات سريه ما بين انجلترا و فرنسا و اسرائيل. الاتفاق ان اسرائيل تهجم على سينا و لما تتصدى ليها مصر تتدخل انجلترا و فرنسا و ينزلوا قوات فى منطقة قناة السويس و يحاصروا الجيش المصرى فى سينا. و ده اللى حصل ، شنت اسرائيل عدوان على سينا و قامت حرب فاصدرت انجلترا و فرنسا بيان انذارى بيطالبوا فيه بوقف الحرب ( اللى هما الاتنين متفقين عليها مع اسرائيل ) و انسحاب الجيش المصرى و الجيش الاسرائيلى لمسافة 10 كم على ضفتين قناة السويس ، و ده كان معناه ان اسرائيل تحتل سينا و مصر تفقد السيطره على قناة السويس و كمان عليها 10 كم من اراضيها على الضفه الغربيه من القناه. زى ما اتوقعوا رفضت مصر الانسحاب فنزلت القوات الانجليزيه و الفرنساويه فى بور سعيد و منطقة قناة السويس لكن الجيش المصرى ما اتحاصرش لانه انسحب. هاجت الدنيا و كان واضح لكل العالم ان الموضوع مؤامره ضخمه. وقفت اغلبية دول العالم فى صف مصر ، و اصدر الاتحاد السوفيتى انذار بانه حا يضرب لندن و باريس بالصواريخ الذريه و امرت امريكا انجلترا و فرنسا بالانسحاب الفورى من الاراضى المصريه. و انتهت الحرب بفضيحه كبرى و خرجت مصر عبد الناصر منتصره نصر سياسى كبير.
اسباب فشل الحرب و احتلال مصر
فشل الخطه كان لكذا سبب ، من ضمنهم :
معارضة الاتحاد السوفييتى حليف مصر , وتهديده بالتدخل العسكرى لمساعدة المصريين و ضرب لندن و باريس بالسلاح النووى.
معارضة امريكا وطلبها للقوات البريطانيه و الفرنسيه و الاسرائيلية بالانسحاب بسبب تهديد السوفييت بتحويل الحرب البارده , اللى كانت موجوده, لحرب عالميه.
معارضه و رفض الامم المتحده الهجوم على مصر وتهديدهم بفرض عقوبات على الدول التلاته.
وقوف مجموعه من دول العالم التالت جنب مصر.
المقومه الباسله من الشعب والجيش المصرى امام المعتدين وصلابه القياده. #نشاط قوات المقومه الشعبيه المصريه. #ثوره العمال المتعطلين فى انجلترا وفرنسا. #تنديد الامم المتحده بالعدوان.
نتائج الحرب
انسحاب القوات البريطانيه والفرنسيه من بورسعيد فى 23 ديسمبر 1956م، وعشان كدا بتحفل بورسعيد باليوم دا
هروباسرائيل من سيناء فى اوائل 1957م، و هروبها من قطاع غزة اللى سيطرت عليه مصر.
