يزيد بن معاوية بن أبى سفيان بن حرب الأموى القرشى العربى الدمشقى اتولد فى 23 رمضان سنة 26 هجرية ومات فى 15 ربيع الاول سنة 64 هجرية ، ولد فى خلافة الصحابى عثمان بن عفان فى قرية الماطرون و أمه هى ميسون بنت بحدل الكلبية، طلقها معاوية بعدين. عاش فترة من حياته فى البادية بين أخواله.
نسبه
هو يزيد بن معاوية بن ابو سفيان بن حرب بن امية بن عبد شمس بن عبد مناف بن قصى بن كلاب بن مرة بن كعب بن لؤى بن غالب بن فهر بن مالك بن النضر بن كنانة بن خزيمة بن مدركة بن الياس بن مضر بن نزار بن معد بن عدنان. و أمه هى: ميسون بنت بحدل بن أنيف بن دلجة بن قنافة بن عدى بن زهير بن حارثة.
مشاركته فى الفتوحات الاسلامية
محاولة فتح القسطنطينية
فى سنة 49 هجرية ابتدا معاوية بن أبى سفيان يجهز جيش عشان يفتح القسطنطينية وخلا قائده ابنه يزيد بن معاوية وبعت مع ابنه يزيد بسر بن أرطأة, وسفيان بن عوف, وفضالة بن عبيد الأنصاري. واتقسم الجيش نصين جيش فى البر وجيش فى البحر و كان على عرش الدولة البيزنطية ساعتها قسطنطين الرابع اللى وصلتله الأخبار واستعد علشان يمنع المسلمين من ان هما يفتحوا عاصمة دولته .واشترك فى الغزوة دى صحابة كتير زى عبد الله بن عمر و أبو أوب الأنصارى وعبد الله بن الزبير وعبد الله بن عباس والحسن والحسين بن على . والمسلمين هاجموا القسطنطينية بس الروم انتصروا فى الاخر لأنهم استخدموا النار الأغريقية اللى قدر الروم بيها انهم يحرقوا سفن كتيرة من سفن المسلمين .
- ↑ http://www.britannica.com/EBchecked/topic/652315/Yazid-I
