الاسم واى فاى استخدم لاول مرة ف شهر اغسطس سنة 1999.[1] بعد ما اختارته شركة الاستشارات التجارية انتربراند. فيل بيلانغر، و هو عضو مؤسس فى تحالف الواى فاى و هو اللى ترأس اختيار اسم واى فاى قال ان شركة انتربراند اختارت اسم واى فاى تأمل لاسم هاى فاي. وانتربراند هيا اللى صممت شعار الواى فاي.[2]
موجات الواى فاى
الواى فاى بيشتغل على نطاقين من الموجات وهما 2.4 جيجاهرتز و 5 جيجاهرتز.
قنوات نطاق 2.4جيجا هرتز
2.4 جيجاهرتز
نطاق 2.4 جيجاهرتز فيه 14 قناة من 1 لحد 14, بعض الدول زى امريكا بتمنع انك تستخدم اى قناة بعد القناة 11, لكن اغلب الدول بتمسح من 1 لحد 13.[3] من عيوب نطاق 2.4جيجا هرتز هو تداخل الموجات, وده بيسبب فى انقطاع وبطيء سرعة نقل البيانات. قنوات 1 و 6 و 11 تتميز بأن ليها نطاق عريض فبتقلل احتمالية تداخل الموجات. برامج محلل الواى فاى بتقدر تحلل شبكات الواى فاى وتختار احسن قناة تتجنب مشاكل تداخل الموجات وانقطاع الاتصال.[4]
5 جيجاهرتز
نطاق 5 جيجاهرتز فيه قنوات كتير من اول قناة 36 لحد 165, وبيتميز بانه اسرع فى نقل البيانات عن نطاق 2.4 جيجاهرتز وكمان بان تداخل الموجات فيه نادرة جدا. من عيوب نطاق 5 جيجاهرتز هو ان المسافة اللى بيقدر يغطيها اقل المسافة اللى بيغطيها نطاق 2.4 جيجاهرتز.
الفرق بين الواى فاى والبلوتوث
البلوتوث والواى فاى الاتنين تكنولوجيا لاسلكيه لنقل البيانات عن طريق موجات الراديو. لكن الواى فاى بيقدر ينقل البيانات بسرعة اعلا بكتير و لمسافات اطول عن البلوتوث. المسافة الفعلية للبلوتوث 10 متر لكن للواى فاى 60 متر. وده سبب ان الواى فاى بيستخدم فى الاتصال بالانترنت.
