نادى الوصل ده تيم كوره فى دبى فى دولة الامارات.
معلومات عن النادى
نادى الوصل بيعتبر من اعرق الأنديه فى الامارات. النادى كان اسمه فى الاول نادى الزمالك تيمنا بنادى الزمالك المصرى. لكن بعدين اتغير اسمه وبقى نادى الوصل. و "الوصل" ده هو اسم مدينة دبى زمان قبل ما يتغير ويبقى اسمها دبى. و رغم تغيير اسم النادى لكن لسه بيرتبط بعلاقات ممتازه جدا مع نادى الزمالك صاحب الاسم الاصلى فى مصر.
نادى الوصل كان من بداياته من أهم أندية الامارات والخليج. وطلع منه نجوم معروفين قوى زى زهير بخيت و فهد خميس و ناصر خميس و فهد عبدالرحمن و حسن محمد وغيرهم. و من اللاعبين الحاليين خالد درويش و برازيلى اوليفييرا.
الوصل جاب فى تاريخه بطولات كتيره ، وبيعتبر تانى أحسن نادى فى تاريخ الدورى الاماراتى فى الفوز بالدورى اللى جابه 7 مرات اخرها كان فى 2007 لما جاب الثنائيه ، الدورى والكاس ، مع بعض.
مصادر
لينكات خارجيه
