مدبحة الدير البحرى او مدبحة الاقصر , هى عملية ارهابية حصلت فى 17 نوفمبر1997
ف الدير البحرى فى مصر.العملية الارهابية دى اتسببت فى قتل زوار كتير للدير البحرى . العملية دى ضربت السياحة فى مصر لفترة مش صغيرة و كمان اثرت بشكل سلبى على الاقتصاد المصرى.
العملية
ابتدت العملية الارهابية حوالى الساعة 8:45 الصبح ف يوم 17 نوفمبر1997, وقت ما هاجم 6 مسلحين برشاشات و سكاكين ,متنكرين و لابسين لبس الامن, و قتلوا 62 زاير و اصابوا اكتر من 26 واحد و كل دا حصل فى 45 دقيقة.و بعد كدا استولوا على اتوبيس و حصل اشتباك منهم و بين البوليس المصرى و لقوهم فى كهف بعد ما انتحروا كلهم بعد ما يئسوا من المقاومة.
المسئول عن المدبحة
الاتهمات اتوجهت للجماعة الاسلامية على مسئوليتها عن العملية و دا اكده تصريح واحد من قادتها رفاعى طه مسؤليته عن العملية , بس بعد كدا طلع قيادى تانى و نفى مسؤلية الجماعة الاسلامية بالحادثة
الضحايا
وصل عدد القتلى ل 0زائر منهم 4 مصريين و 58 سايح اجنبى (36 سويسرى , 10 يابانيين, 6 بريطانيين(منهم طفلة صغيرة عندها خمس سنين) و 4 المان و كولومبى و فرنساوى). و اتصاب فى الحادثة دى 9 مصريين و 12 سويسرى و اتنين المان و فرنساوى.
ردود الفعل
العملية الارهابية دى اثرت على العلاقة بين مصر و سويسرا اللى اغلب القتلى و المصابين من مواطنيها, بسبب رفض مصر مطالب سويسرا بصرف تعويضات كبيرة للضحايا.
