لهجه سوريه, هى اللهجه المستعمله فى التخاطب اليومى بين معظم السوريين و ممكن تقسيمها بشكل عام فى عيلتين, الاولى اقرب للهجه العراقيه و التانيه اقرب للهجه الشاميه. اللهجه السوريه بشكل عام هى نتيجه تزواج بين اللغه الآراميه و السريانيه اللى هيا لغه سوريا قبل الاستعراب و حسب بعض الباحثين نص مفرداتها على الاقل سريانيه الاصل.[1]
نتيجه علاقتها مع اللغه السريانيه و تقاربها مع اللهجات المجاوره فى انحاء الشام, ممكن تصنيف اللهجه السوريه ضمن اللهجه الشرقيه اللى معروفه بالشاميه المنتشره فى بعض مناطق لبنان و الاردن و فلسطين و تحديدا نابلس اللى بتتسمى دمشق الصغرى.
الاقسام الرئيسيه
اللهجات المصنفه ضمن اللهجه الشاميه:
لهجه حلبيه, بتنتشر فى مدينه حلب, و ريفها و ادلب, و فيه بعض التمايز اللفظى لريف محافظه ادلب.
لهجه جبليه, بتنتشر فى جبال محافظه اللاذقيه, و محافظه طرطوس, بتتميز بلفظ القاف.
لهجه ساحليه, بتنتشر فى مدن الساحل السوري: اللاذقيه, و جبله, و بانياس, وطرطوس.
لهجه حمصيه, بتنتشر فى حمص و ريفها, و بتتميز بضم الحرف الاول من الكلام, و تبديل الالف او التاء المربوطه بياء ساكنه فى آخره زى كبيرى, لُعبى.
لهجه دمشقيه, منتشره فى مدينه دمشق و ريفها و كمان فى حماه.[1]
اللهجه الحورانيه, و هى منتشره فى محافظه درعا , و الجزء الاكبر من محافظه القنيطره.
لهجه جبليه, وهى اللهجه المنتشره فى محافظه السويداء, بشكل أساسى تتميز بلفظ الحروف العربيه كالقاف والضاد.
اللهجه الحواضريه, و هى لهجه منتشره فى محافظه حماه و خاصه فى منطقه الحاضر.
اللهجات الشرقيه المصنفه ضمن اللهجه العراقيه:
اللهجه العربيه النجديه بين القبائل السوريه, خصوصا فى دير الزور.
لهجه رقاويه, فى محافظه الرقه, و شرق محافظه حلب فى منبج.
لهجه ماردليه, فى محافظه الحسكه, و هى الاقرب للسريانيه.
اللهجه اليبروديه: نسبه لمدينه يبرود فى القلمون و هى قريبه من اللهجات اللبنانيه
فى الغالب لما حدا يتكلم من غير السوريين عن "اللهجه السوريه" بيكون قاصد لهجه مدينه دمشق المعاصره لانها المستخدمه فى الدبلجه و المسلسلات.
