الفيروسات هيا مجموعه كبيره من الكائنات بيزيد عددها عن 5000 صنف و بتقف على الخط الفاصل بين الكائنات الحيه و الجماد.
التكوين
بيتكون الفيروس من حمض نووى بيحيط به من الخارج غلاف بروتينى للحمايه.الفيروس كائن بيقوم بجزء من العمليات اللى بتعملها الكائنات الحية: بيتنفس و يتكاثر ، و فى نفس الوقت ما بيقومش بالجزء التانى :ما بيقدرش يتحرك او يخرج.
دورة الحياه
الفيروس كائن ضعيف جدا و اقرب للموت منه للحياه طول ما هو بره الخليه المصابه ، و على العكس من ساعة ما بيدخل اى خليه فبيسيطر عليها و بيحول كل امكانيتها لصالحه بهدف تكوين فيروسات جديده و فى النهايه بتموت الخليه المضيفه.الفيروس ممكن يصيب اى كائن حى من اول الانسان للحيوان للنبات و لحد البكتيريا.
تصنيف
الفيروسات بيصنفوها على حسب الحمض الننوى بتاعها: DNA يا اما RNA. و بتتصنيف كمان على حسب عدد شرايط الحمض النووى: ياما شريط واحد (Single-stranded) يا اما شريطين (Double-stranded). فى مجموعه خاصة من فيروسات الـ RNA اسمها الريتروفيروسات (من اعضائها المشهورين الفيروس اللى بيسبب مرض الايدز) ، الريتروفيروسات عندها انزيم اسمه ترانسكريبتيز عكسى و دا وظيفته تحويل الحمض النووى بتاعها من RNA لـ DNA ايام عملية التكاثر.
اكتشاف
مارتينوس بايرينك اكتشف فيروس تبرقش التبغ سنة 1898.[1]
الفيروسات موجوده تقريبا ف كل النظم الايكولوجية على الأرض، و الفيروسات بتعتبر دى اكتر كيان بيولوجى موجود فى الطبيعة.[2][3]
علم الفيروسات
دراسة الفيروسات معروفة باسم علم الفيروسات (ڤايرولوچى)، وهو تخصص فرعى فى علم الأحياء الدقيقة (مايكربيولوچى).
شوف كمان
لينكات برانيه
- فيروس – صور وتسجيلات صوتيه و مرئيه على ويكيميديا كومونز
- فيروس على موقع كيورا - Quora
- فيروس معرف مخطط فريبيس للمعارف الحره
- فيروس معرف ملف المرجع للتحكم بالسلطه فى WorldCat
- فيروس معرف جران منشورات الموسوعه الكتالانيه
- فيروس معرف المكتبه الوطنيه الفرنسيه (BnF)
- فيروس معرف قاعده بيانات الضبط الوطنيه التشيكيه
- فيروس معرف مايكروسوفت اكاديمك
- فيروس معرف مكتبه الكونجرس (LCAuth)
- فيروس معرف مكتبه لاتفيا الوطنيه
مصادر
