فرقة الثلاثى المرح هيا فرقه غنائيه مصريه مشهوره, ظهرت ف نهاية خمسينات القرن العشرين, و اشتهرت اوى ف ستينات القرن العشرين و اتميزت باعمالها الغنائيه الخفيفه اللى بتناسب كل المستويات علا اختلافهم.
قدمت فرقة الثلاثى المرح لون جديد من الغنا اللى اخد اعجاب و قبول كبير. اغانيهم جميله و مرحه و ليها طعم خاص ممتع و لسه كتير بيحبوها .
اتميزت اغانيهم بتناسبها لمعظم الناس زى اغانى تفرفش الواحد الصبح وزى اغانى الافراح و اعياد الميلاد و المناسبات . اتعززت شهرة الثلاثى المرح اكتر من فى المشاركه بالغنا فى عدد من الرقصات الفلكلوريه زى مع فرقة رضا.
قدرت فرقة الثلاثى المرح تقدم الوان كتيره من الغناء زى الاوبريتيات الغنائيه و اغانى الاعياد زى عيد الام (كمان غنو للاب) و عيد الاذاعه المصريه و الاغانى الشعبيه و الريفيه و العاطفيه و اغانى الصباح و اغانى الاطفال و اغانى الافراح و الاغانى الوطنيه و اغانى خاصه بـالترابط التاريخى بين مصر و السودان و اغانى المناسبات المختلفه زى مناسبة توقيع الوحده بين مصر و سوريا و ذكرى ثورة يوليه 1952 و مناسبة بنا السد العالى.
دى 88 اغنيه من اجمل ما قدمت فرقة الثلاثى المرح من الاغانى القصيره ف الغنا المصرى
التلڤزيون المصرى عاد تقديم شويه من اغانى الثلاثى المرح اللى مش متصوره اللى كانت بتتذاع ف الراديو علا ڤيديوهات رسوم متحركه (افلام كرتون) او غيره , دا يتيح للاجيال الحاليه يسمعو اغانى الثلاثى المرح الجميله اللى من اكتر الاغانى تميز و ترديد ف مرحلة الستينيات و فترات بعدها.
