سورة الفاتحة هىه اول سوره فى القرآن و من السور المكية ، و حسب العقيدة الاسلامية متصحش صلاة المسلم من غيرها و بتتردد فى كل ركعه من ركعات الصلاه, اتذكرت فى اكتر من حديث نبوى باسامى زى ام الكتاب و ام القرآن ، و فى حديث نبوى بيشجع على قراية الفاتحة.
استخدام الفاتحه فى غير الصلاه
الفاتحه مش بتستخدم فى استخدامات دينية بس، كمان بتستخدم كنوع من الدعاء بالرحمة للميت. كمان فى مصر و دول تانيه بتتقرى كمباركه او كاتفاق على شغل او صفقه تجاره او جواز، فى مصر فى حاجة بتتسمى "قراية فاتحة" و بتبقى اتفاق العروسين و الاهل على الجواز ، و بتبقى قبل ما الخطوبه تبقى بشكل رسمى كنوع من اثبات النيه و دعاء ان الاتفاق ده يبقى فاتحة خير على الأطراف اللى فيه.
