سعيد الشيخ ، مونتير مصرى, بيعتبر المؤسس لفن المونتاج فى مصر
حياته
اتولد سعيد الشيخ فى حلوان سنة 1922, عشق المزيكا من صغره وقت تردده على الجنينة اليابانيه, اشتغل مساعد فى مونتاج فيلم "خاتم سليمان" سنه 1947 للمخرج حسن رمزى و من مونتاج اخوه المونتير كمال الشيخ قبل ما يتحول للإخراج, و فى السنه اللى بعديها ابتدا سعيد يعمل مونتاج منفرد فى افلام تانيه زى فيلم "الستات العفاريت" لحسن الامام و فيلم "حب و جنون" لحلمى رفله. وفى سنة 1949 غمل مونتاج اربع افلام مره واحده و سنه 1950 عمل مونتاج ست افلام.
كان زميل لرواد فن المونتاج الكبار زى كمال أبو العلا و حسين عفيفى و كمال الشيخ و صلاح ابو سيف قبل ما يتوجهو للإخراج.
سعيد الشيخ يعتبر معلم اساتذه فن المونتاج الكبار فى مصر و العالم العربى زى رشيده عبدالسلام و رحمة منتصر و عادل منير و أحمد متولى و لحد جيل الشباب زى مها رشدى.
كان شاهد على تاريخ السينما المصرية لأكتر من نص قرن, استلم رئاسة قسم المونتاج فى المعهد العالى المصرى للسينما لسنين .[1]
أفلام مهمه
كان من الأفلام المهمة اللى عمل مونتاجها
درب المهابيل لتوفيق صالح
الملاك الصغير و الرجل اللى فقد ظله و ميرامار و الصعود لالهاويه و اللص و الكلاب و الليلة الأخيرة و الشيطان الصغير لكمال الشيخ
