ستيڤن كولبير او ستيڤن كولبيرت (بالانجليزى: Stephen Colbert) مواليد 13 مايو 1964 فى واشنطن ، مقدم برنامج سياسى ساخر ، كتاب و ممثل امريكانى ، كان شغال فى برنامج "ذا دايلى شو" ( The Daily Show) من سنة 1997 على ايد ما چون ستيوارت يبتدى يقدمه فى 1999 ،
سياسه
كولبير قال اكتر من مرة انه مكنش بيهتم بالسياسه خالص بس من بعد ما اشتغل مع چون ستيوارت بقى بيهتم بالسياسة جامد و انه اثر فيه و على شغله و اتعلم منه.
كولبير ريبورت
فى سنة 2005 ستيڤن كولبير ساب ذا دايلى شو ذا دايلى شو" ( The Daily Show) عشان يقدم برنامجه كولبير ريبورت (The Colbert Report) على نفس القناة كوميدى سنترال ، البرنامج كان من فكرته هو و چون ستيوارت ، اللى شجعه على ان يكون له البرنامج بتاعه، بالرغم ان فكرة كولبير ريبورت برضه بيسخر و بينتقد الأوضاع السياسيه و الاجتماعيه بس باسلوب مختلف ، فى البرنامج ستيڤن كولبير بيتقمص شخصية واحد من اليمين المتطرف فى امريكا و بيتفاعل مع الاحداث و الاخبار بالشخصية دى و بيستخدم كوميديا التهكمية و كوميديا مغالطة المنطق لنقد و السخرية من الاحداث السياسيه و الكلام اللى الشخصية اللى بيلعبها فى البرنامج بتقوله.
ستيڤن كولبير
جوايز
فى سنة 2000 ستيڤن كولبير كسب 3 جوايز ايمى بالمشاركة مع بقيه الكتاب لبرنامج ذا دايلى شو ( The Daily Show) و كسبها تانى لسنة 2005 و 2006.،
بسبب برنامجه كولبير ريبورت اترشح ياخد تلات جوايز ايمى فى سنة 2006 و اربعه سنة 2007 و اتعزم فى البيت الابيض فى عهد جورج بوش ، اكتر واحد كان بيسخر منه و من سياسيته، عشان يقدم عرض هناك و مجلة التايم سميته كواحد من 100 شخصية مؤثرة فى العالم سنة 2006 و 2012 و فى 2006 مجلة نيو يورك ضمته هو و چون ستيوارت فى اهم الشخصيات المؤثرة فى الاعلام فى امريكا.
.svg)
